"Бавария" футболдук клубу 2016-жылы машыктыруучу Хосеп Гвардиола менен коштошот, анын ордун Карло Анчелотти ээлейт

Хосеп Гвардиола

Карло Анчелотти

Германиянын "Бавария" футболдук клубу испаниялык машыктыруучусу Хосеп Гвардиола менен келишимди узарта алган жок. Ал 2016-жылы жайында башка клубга жумушка кетет. Анын ордуна италиялык адис Карло Анчелотти дайындалмакчы. Бул тууралуу аталган клуб расмий маалымат таратты.

Маалыматка ылайык, Анчелотти менен келишим 3 жылга түзүлөт.

Кошумчалай кетсек, Хосеп Гвардиола бул клубда 2013-жылдан тарта иштеп келет. Бул аралыкта ал 2 ирет Германия чемпиондугун, 1 ирет клубдар аралык Дүйнө чемпиондугун жана УЕФАнын Суперкубогун утуп алган.

Карло Анчелотти 2 сезон мадриддик "Реалды" машыктырып, өткөн сезондун акырында кызматынан бошотулган. Азырынча башка клубдарда иштебейт.

Автор: Максат Кудайбердиев
Фото: Интернеттен алынды