Футболчу Антон Землянухиндин жубайы Юлианна Морозова 2015-жылдын мыкты волейболчусу болуп табылды

Анастасия Щелокова

Юлианна Морозова

КРнын Волейбол федерациясы 2015-жылдын жыйынтыгын чыгарып, мыкты волейболчу кыздарды аныктады. Жыйынтыгында кыз-келиндер арасында мыкты болуп Анастасия Щелокова ("Салам-Алик" клубу) менен Юлианна Морозова ("Дордой-Намыс" клубу) табылды.

Маалым болгондой, мыктыларды аныктоодо "Solveig Sport Center Кубогу" үчүн болгон мелдеш чоң роль ойноду. Анда Юлианна Морозова "Дордой-Намыстын" курамында жеңүүчү аталды. Буга катар команда жыл ичинде Ысык-Көл оюндарында алтын, өлкө чемпиондугунда күмүш медаль тагынган.

Анастасия Щелокова болсо "Салам-Аликтин" курамында өлкө чемпиондугунда жана кумда ойнолгон волейбол боюнча өлкө чемпиондугунда алтын медаль тагынган.

Кошумчалай кетсек, Юлианна Морозова футбол боюнча улуттук кураманын лидерлеринин бири Антон Землянухиндин жубайы. Жакында Футбол федерациясы Антонду "Мыкты футболчу" деп тапкан.

Автор: Максат Кудайбердиев
Фото: Интернеттен алынды