"Алай" футболдук клубу машыгуу сборун Түркияда өткөрмөкчү

Футбол боюнча өлкө чемпиону "Алай" футболдук клубу Азия футбол конфедерациясынын Кубогунун тандоо турунда ливандык “Триполи” клубу менен беттешет. Беттеш 9-февралда Ливанда өтөт. Оштон чыккан клуб бул мелдешке кызуу даярдык көрүп жатат (кечээ клубдун курамына кошулган футболчулардын тизмесин жарыялаганбыз).

Клуб машыгуу сборун 2-январда баштаган. Команда азырынча Ош шаарында. SUPER.KG порталына команданын медиа-офицери Кубанычбек Ураимов билдиргендей, команда 7-январда Түркиянын Самсун шаарына учуп кетет. "Түркияда машыгуу сбору 13-январга чейин уланат. Анда жергиликтүү клубдар менен 2 жолдоштук беттеш өткөрүүнү пландап жатабыз",- дейт Ураимов.

Автор: Максат Кудайбердиев
Фото: Интернеттен алынды