"Шериктештик Кубогу-2016" мелдешине катыша турган курам 9-январда "Сатурн" футболдук клубу менен жолдоштук оюн өткөрөт

"Сатурн" футболдук клубунун оюнчулары

Улуттук курамабыздын оюнчулары

22 жашка чейинки курактагы футболчулардан түзүлгөн өлкөнүн жаштар курама командасы "Шериктештик Кубогу-2016" мелдешине даярдыкты кызуу көрүп жатат. Машыгуу сбору 3 күндөн бери жергиликтүү "Динамо" футболдук клубунун базасында болууда.

КРнын Футбол федерациясынан кабарлашкандай, Мирлан Эшеновдун шакирттери күнүнө эки маал (эртең менен жана кечинде) машыгуу өткөрүп жатышат. Команда 9-январда орусиялык "Сатурн" футболдук клубу менен жолдоштук беттеш өткөрөт. "Сатурндун" оюнчулары сезондун экинчи жарымына карата даярдыкты жакын арада гана баштаганын клубдун расмий сайты кабарлайт.

Автор: Максат Кудайбердиев
Фото: Интернеттен алынды