Ботулизмден улам Тогуз-Торо районунан Бишкекке алынып келген эки жаран комада жатат

Ботулизмден сырткары сасык тумоо менен ооруканага кайрылган кичинекей балдардын саны да арбын.

Жандандыруу бөлүмүндө жаткан бейтаптардын жакындары.

Кочкор районунан келген бейтаптар учурда жандандыруу бөлүмүндө жатышат. Алардын абалы оор бойдон калууда.

Оорукананын жетекчиси Гүлжигит Аалиев

Тогуз-Торо районунан келген 2 жаран азыркы тапта оор абалда жатат.

Бишкектеги Республикалык жугуштуу оорулар ооруканасына ботулизм оорусу менен түшкөндөрдүн саны кескин көбөйдү. Учурда оорукананын жандандыруу бөлүмүндө оор абалда 5 бейтап жатат. Бул тууралуу бүгүн, 8-январда SUPER.KG порталына аталган оорукананын директору Гүлжигит Аалиев билдирди.

"Жаңы жылдын алгачкы күндөрүндө ботулизм оорусу менен ооруканага түшкөндөрдүн саны 18 адамга жетти. Өткөн жыл менен салыштырсак, жыл аралыгында бул оорудан жабыркагандардын саны 37ни түзгөн. Учурда ооруканада Кочкор районунан келгендердин саны көп, алардын айтымында, алар чогуу отурушта болуп, козу карындан жасалган салат жешкен. Ал эми Тогуз-Тородон келген 2 жарандын абалы өтө оор, алар сүйлөбөй, кыймылдай албай калышкан. Учурда алар аппараттын күчү менен дем алышууда. Жалпысынан жандандыруу бөлүмүндөгү оор абалдагы 5 жаранга тиешелүү медициналык жардам көрсөтүлүп жатат", - дейт Г.Аалиев.

Дарыгердин айтымында, ооруканага кайрылгандардын басымдуу бөлүгү козу карын жегенден кийин өздөрүн начар сезе баштаган.

"Ботулизм оңой оору эмес, эгер өтүшүп кетсе, адам майып болуп же каза болуп да калышы мүмкүн. Ошол себептен улам консерваланган азыктардан жана козу карын жегенден алыс болууга чакырат элем", - деп кошумчалайт Г.Аалиев.

Азыктан ууланган бейтаптардын абалы оор

Автор: Мальвина Уметбекова
Фото: Мальвина Уметбекова

15:00 08-01-2016

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1492 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 1154 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 2091 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 888 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 1300 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 1228 0

Архив

Комментарийлер (5)

deva

2016-01-08 16:57:08

ботулизм өлүмгө жеткирет! Окуп койгула!
http://www.super.kg/article/show/34691

aku

2016-01-08 17:17:52

Кудай сактасын.

Rifle_2

2016-01-08 17:44:48

Салатты сатып алганбы же өздөрү жапкан салатбы ?
Сатып алган болсо, кененирээк жазсаңар. Мен окугандан кийин эле салат сатып албай жатам. Бизде ооруканада ПБС бар деп бүгүн жыйында билдиришти. Баары бир коркунучтуу.

Koshaly

2016-01-08 18:35:11

Rifle_2,салатты Бишкек шаарынан сатып алган экен

Moskva.kg

2016-01-08 18:47:06

Ар бир продукциянын мооноту болот ошол датаны карап алыш керек консерваланган эмес башкасы деле ошондой бизде мооноту буткон продукциялар деле сатыша берет ошолорду жоопко тартыш керек

Комментарий калтыруу үчүн өз ысымыңыз менен кириңиз же каттоодон өтүңүз.