Бишкекте бокс боюнча жаштар арасында өлкө чемпиондугу старт алды (фоторепортаж)

Бүгүн, 12-январда Кожомкул атындагы Спорт Ордосунда бокс боюнча жаштар арасында өлкө чемпиондугу старт алды. 16-январга чейин улана турган мелдешке 1998-1999-жылдары туулган мушкерлер катышмакчы. Биринчилик Тарых жана маданият жылына карата уюштурулуп жатат.

Мелдешке Бишкек, Ош шаарларынан, Чүй, Ысык-Көл, Нарын, Баткен, Талас, Жалал-Абад жана Ош облустарынан 111 мушкер катышууда. Жалпысынан 10 килограмм салмакта (49 килограмм, 52 кг, 56 кг, 60 кг, 64 кг, 69 кг, 75 кг, 81 кг, 91 кг, 91 килограммдан жогорку салмак) жеңүүчүлөр аныкталмакчы.

Мелдештин жыйынтыгында жаштар арасында февралда өтчү Азия чемпиондугуна, октябрда өтчү Дүйнө чемпиондугуна катыша турган курам бекитилет.

Автор: Максат Кудайбердиев
Фото: Максат Кудайбердиев