Бишкекте өрттөнгөн үйлөрдүн биринен эне-баланын жансыз денеси табылды

Борбор калаадагы үйлөрдүн биринен өрт чыгып, анын ичинен аялдын жана уулунун күйгөн денелери табылды. Өзгөчө кырдаалдар министрлигинен бүгүн, 18-январда билдиришкендей, жалпы аянты 80 чарчы метрди түзгөн жыгач устундуу, шифер жабылган турак үйдүн чатыры, 2 бөлмө үй мүлкү менен, 20 чарчы метр жыгач пол, 3 эшик, 6 терезе толугу менен күйүп кеткен. Өрт болгон жерден 83 жаштагы үй ээси Р.Бурлуцкая жана анын 55 жаштагы уулу Е.Бурлуцкийдин күйгөн абалдагы жансыз денелери табылган.
Учурда өрттүн келип чыгуу себептери такталууда.

Автор: Мальвина Уметбекова