2015-жылы дыйкан-фермерлерге 3,8 миллиард сом суммасында жеңилдетилген насыя берилди

2015-жылы "Айыл чарбасын каржылоо-3" долбоорунун алкагында дыйкан-фермерлерге 3 миллиард 801 миллион 254 миң сом насыя берилди. Мал чарбачылыгына 3 миллиард 052 миллион 836 миң сом, кайра иштетүүгө, үрөн, асыл тукум жана айыл чарба кооперативдерине 392 миллион 110 миң сом, багбанчылыкка 356 миллион 307 миң сом берилди.

Каржы министрлигине таянсак, насыянын көбү Чүй облусуна берилген.

Чүй облусу - 991 миллион 663 миң сом;

Жалал-Абад облусу - 699 миллион 452 миң сом;

Ош облусу - 683 миллион 231 миң сом;

Ысык-Көл облусу - 406 миллион 693 миң сом;

Нарын облусу - 371 миллион 017 миң сом;

Талас облусу - 333 миллион 269 миң сом;

Баткен облусу - 315 миллион 929 миң сом.

Автор: Автандил Добулбеков