Балыкчыда "Кумтөрдө" иштеген канадалык жаранды бычак менен коркутуп тоноп кеткен 15 жаштагы үч өспүрүм кармалды

Ысык-Көл облусунун Балыкчы шаарында "Кумтөрдө" иштеген канадалык жаранды бычак менен коркутуп тоноп кеткен 15 жаштагы үч өспүрүм колго түшкөнүн ИИМдин маалымат кызматы 23-январда билдирди.

Маалым болгондой, 22-январда болжол менен саат 08:00де Балыкчы шаарында жайгашкан "Кумтөр" ишканасына тийиштүү "Балыкчы ашыруу базасы" мекемесинде иштеген, аталган шаарда убактылуу батирде турган Канада мамлекетинин жараны Ж.Д. милиция кызматына телефон аркылуу байланышып, үйүнө белгисиз адамдар терезе аркылуу кирип тоноп кетишкенин билдирген.

Жогорудагы маалымат боюнча окуя болгон жерге Балыкчы шаардык милициясынын жетекчилери жана тергөө-ыкчам тобу чыгып, төмөндөгүлөр аныкталган:

22-январда саат 03:00 чамасында үйдүн сырткы темир торчосун белгисиз бирөө талкалап, дубал аркылуу качып бараткан сөлөкөтүн көрүп, өзү иштеген ишкананын коопсуздук кызматкерлерине билдирип, алар менен үйдү чогуу карап чыгышкан. Бирок милицияга кайрылган эмес.

Ошол эле күнү саат 07:00 чамасында 17-25 жаштардагы балдар беттерин моюн орогуч менен байлап кирип, ашкана бычагын такап, акча талап кылышкан. Ал балдардан коркконунан 3500 сом акчаны бергенде, алар окуя болгон жерден качып кетишкен.

Арыз ээси өзү жашаган батирден баасы 600 доллар турган планшетин жана "Самсунг" үлгүсүндөгү телефонун алып кетишкенин арызында көрсөткөн. Болжол менен 54 000 сомду түзгөн материалдык чыгым келтирилген.

Окуя болгон жерден 2 даана ашкана бычагы, 1-кабаттагы түндүк тарапта жайгашкан сынык пластик терезенин түбүнөн 3500 сом акча каражаты жана терезеден алынган 5 даана белгисиз адамдардын колдорунун манжасынын издери бар дактокарта алынган.

Окуя болгон жерден тиешелүү материал топтолуп, каракчылык фактысы менен Балыкчы ШИИБинде катталып, кылмыш иши козголгон.

Көрүлгөн ыкчам иликтөө иш-чараларынын негизинде Ысык-Көл облустук жана Балыкчы шаардык милиция кызматкерлери тарабынан кылмышка шектүү катары 15 жаштагы Д.Е., М.Д. жана Т.Ж. аттуу шаар тургундары кармалып, тергөө бөлүмүнө өткөрүлүп берилди. Учурда тергөө амалдары башталды.

Автор: Жамалидин Парманкулов

19:06 23-01-2016

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1217 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 961 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 1793 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 725 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 1147 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 1089 0

Архив

Комментарийлер (19)

isko-nookat

2016-01-23 19:10:55

ата энеси куноолу.

Elnazar96boy

2016-01-23 19:10:57

15 жаштагы дейби, ниче се!, мен 15 жашта мультик коруп жатчым))

+20

imanberdi98

2016-01-23 19:32:09

15 жашта мен туну кочого чыгыштан коркот элем))

+14

Mars55

2016-01-23 19:39:21

Көлбаев, Рысбек чыккан жер

-3

s5kgbal

2016-01-23 19:54:12

Mars55, ХХХ ХХХ ХХХ...

-4

Rifle_2

2016-01-24 13:18:02

ХХХ ХХХ ХХХ...

-1

admin_portal

2016-01-25 15:22:32

s5kgbal, Rifle_2 - эскертүү!
Жеке айтышууларга тыюу салынат.

MuslimNur95

2016-01-23 20:15:59

Шумдукг , пречатки кийгенди унтупкалганбыя

-1

Rifle_2

2016-01-23 20:56:12

MuslimNur95,араң алган 3500 сомун да түшүрүп алганын кара.

Rifle_2

2016-01-23 20:55:52

15 жашта мен кыздар менен кат жазышат элем. Эх ошол күндөр, ышкырып коюп эшигинде күтүп отурат элем. Сотка деген болсо кана :)
Тема боюнча, соткага симка салып сүйлөшө калды да мактанып. Же планшетин интернетке улап жыргады да. Мээ дегенден нет окшойт да.

nur0077

2016-01-23 20:57:54

Жаш Балдардын курч,эч нерседен коркпогон учуру.окунучтуусу кылмыш кылгандыгы.

Temir.WwwKG86

2016-01-23 22:58:57

Кыйшосуз мыйзам чегинде жазасын алсын.

Patriot...kg

2016-01-23 23:22:21

Чычымдар. Мен 15имде эшике чыгалбайт элем

nur_zhoni

2016-01-23 23:55:50

Бул жигитер акчага муктаж болгон окшойтда

-2

Inna_91

2016-01-24 04:11:14

Кайтар дуня деп коет оздорунда ата энесин ошентип бир кун тоноп кетет ошондо оздору тооба кылып калышатко

-1

behappy74

2016-01-24 07:11:59

Он беш жашымда мен акча менен ишим жок кыйкырып чуко ойноп журор элем. Кайран кундор ошол кайрылса кана. Туура мамиле кылып туздоп кетишсе жакшы, ого бетер бузуп албай.Бул курак бир нерсеге бат ооп кетчу курак эмеспи.Ыйман берсин жаштарга.

koshnazar

2016-01-24 10:42:20

Жаштарыбызга Ыйман берсин Аллахым!!

jakikj

2016-01-24 14:25:23

Атаганат жаш курак кеткен экен да бир сонун сезимдерин бизге калтырып. Азыркы жаштардын мандай жылытаарлык деле эскерчу нерсеси болбой калат окшойт. Атам айтып калат эле азыркылар кечээ мынча ботолко арак ичиптирбиз анан мынттик деп жамандыгын мактанып калышат кыйраткансып деп булар да кийин ушул иштерин мактанып айтып эскерип журушот да же балким ошол мезгилде бул сыяктуу нерселер конумуш болуп калат бекен. Жада калса жаштар кыргызча туура жаза албай калышыптыр аттин ай аттин ай ... жаштык ай.

Moskva.kg

2016-01-24 22:13:40

jakikj,Жаш бала коргонун кылат да ошонун баары телевизордон коргон да анан боло берет экен деп чыга келишет

Комментарий калтыруу үчүн өз ысымыңыз менен кириңиз же каттоодон өтүңүз.