Шериктештик Кубогу-2016: Орусиянын футболчулары алтын медаль тагынышты, кыргыз футболчулары коло медалдан кол жууп калышты

23-январь түнү Орусиянын Санкт-Петербург шаарында футбол боюнча "Шериктештик Кубогу-2016" мелдеши жыйынтыкталды. Бул күнү мелдештин жеңүүчүсү, 3-орун ээси жана башка орундардын ээлери аныкталды. Анда жалпысынан 4 беттеш орун алды.

Мелдешке 22 жашка чейинки курактагы футболчулардан түзүлгөн 8 курама команда катышкан. Жобого ылайык, алар төрт-төрттөн эки тайпага бөлүнүп, өз ара ойноп чыгышкан. Жыйынтыгында упайлардын саны боюнча тайпадан 1-орунду алган командалар финалдык оюнда, 2-орунду алган командалар коло медаль үчүн беттеште кез келишти. Ошондой эле тайпалардан акыркы орундарды ээлеген командалар мелдеште 7-орун үчүн, тайпада 3-орунду алган командалар 5-орун үчүн оюн өткөрүштү.

Жыйынтыгында 7-орун үчүн беттеште Казакстан менен Тажикстандын футболчулары кез келишти. Анда беттеш казак футболчуларынын пайдасына 3:2 эсебинде жыйынтыкталды.

5-орун үчүн беттеште Беларусь жана Латвия курамалары кез келишти. Оюн курч мүнөздө өтүп, атаандаштар түрдүү чабуулдарды уюштурушканы менен, гол жарата алышкан жок. Жыйынтыгында жеңүүчү пенальтилер сериясында аныкталды. Анда Беларусь футболчулары таамай болуп чыгып, 5:4 эсебинде жеңишке жетишишти.

3-орун үчүн болгон беттеште кыргыз футболчулары Эстонияга каршы турушту. Оюнга команданы машыктыруучу Мирлан Эшеновдун ордуна Игорь Кудренко жетектеп чыкты. Оюнда кыргыз футболчулары мыкты чабуулдарды уюштуруп, бирок мүмкүнчүлүктөрдү пайдалана алышкан жок. Жыйынтыгында пенальтилер сериясы орун алды. 11 метрлик сокку узатууда кыргыз футболчулары чабалдыгын көрсөтүп, 4:1 эсебинде утулуп калышты. Жыйынтыгында кыргыз футболчулары аталган мелдеште биринчи жолу медаль тагынуу мүмкүнчүлүгүн колдоно алышкан жок.

Мелдешке Украина, Түштүк Африка Республикасы сыяктуу күчтүү курамалар катышпай калган, быйылкы мелдеште орусиялык футболчулар чемпиондукка талапкер катары саналган. Болжонгондой эле орус футболчулары өз тайпасында жеңип чыгып, финалга чыгышты. Финалда аларга Молдованын футболчулары турушту. Анда 4:2 эсеби катталып, Орусия жаштар курамасы жеңишке жетишти.

Ошентип, орусиялык футболчулар 2 жылдык тыныгуудан кийин аталган мелдеште кайрадан чемпион болушту.

Автор: Максат Кудайбердиев
Фото: Интернеттен алынды

10:43 25-01-2016

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 738 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2721 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 1034 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2731 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1102 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 565 0

Архив

Комментарийлер (3)

ArgenMers

2016-01-25 12:08:38

Туугандар ким билет бул ойун жыл сайын уланабы

Максат Кудайбердиев

2016-01-25 12:19:19

ArgenMers, мелдеш 1993-жылдан тарта жыл сайын уюшулуп келет. Жыл сайын командалардын саны азайып жатканына байланыштуу мелдештин форматы өзгөрүшү мүмкүн.

elmurat.kg

2016-01-25 20:55:26

Кыргызстанда болгондо биз утат элек.Местныйлык кылып

Комментарий калтыруу үчүн өз ысымыңыз менен кириңиз же каттоодон өтүңүз.