Канттык "Абдыш-Ата" футболдук клубунун 2 коргоочусу бишкектик "Алганын" курамына кошулду

Вениамин Шумейко (№14) "Абдыш-Атанын" курамында "Дордойдун" жарым коргоочусу Азиз Сыдыковго каршы ойноодо.

Рустем Усанов "Абдыш-Атада" капитандык милдетти аркалап келген.

Өлкө чемпиондугу - ТОП-Лигада ойногон бишкектик "Алга" клубу канттык "Абдыш-Ата" клубунун коргоочулары Рустем Усанов менен Вениамин Шумейкону курамына кошуп алды. Бул тууралуу Кыргыз Республикасынын Футбол Лигасынан кабарлашты.

Маалым болгондой, ал футболчулар менен 1 жылдык келишим түзүлдү. 30 жаштагы Р.Усанов жана 27 жаштагы В.Шумейко акыркы сезондо канттык клубдун курамында өлкө кубогун утушкан.

Буга катар бишкектик клуб "Абдыш-Атага" 2 коргоочусун жөнөттү. Алар: Самат Бердалы уулу жана Сулайман Самарбек уулу.

Автор: Максат Кудайбердиев
Фото: Максат Кудайбердиев