Аламүдүн районунда кримчөйрөнүн өкүлдөрү уулуна болушуп чыккан атасын да бычактап, кылмышты жашыруу үчүн үйдү өрттөп кетишкен

Чүй облусунун Аламүдүн районунда эки адамды мыкаачылык менен өлтүрүүгө шектүүлөр кармалышты. Бул тууралуу 3-февралда ИИМдин басма сөз кызматы билдирди.

1-февраль күнү саат 09:00 чамасында Аламүдүн райондук ички иштер башкармалыгына Лебединовка айылында турак үй күйүп жаткандыгы боюнча маалымат түшкөн. Өрттү өчүрүү учурунда эки адамдын жансыз денеси табылган. Иликтөө иштерин жүргүзгөн тергөө тобу мыкаачылык менен өлтүрүлүп, денелери күйгөн жарандар үй ээси 1960-жылы туулган Г.С. менен анын уулу 1985-жылы туулган Г.А. экенин аныкташкан. Адам өлтүрүү фактысын жашыруу үчүн турак үй атайын өрттөлгөнү белгилүү болгон.

Тергөө амалдарынын жүрүшүндө кылмышка шектүү катары кримчөйрөнүн үч өкүлү колго түшүрүлгөн. Алар:

- 1989-жылы туулган Б.А., Бишкек шаарынын жашоочусу. Буга чейин "бейбаштык", "ок атуучу куралдарды мыйзамсыз сактоо", "каракчылык", "опузалап талап кылуу" беренелери боюнча соттолгон. ИИМде уюшкан кылмыштуу топтун активдүү мүчөсү катары каттоого алынган. Жогорудагы кылмыштын негизги уюштуруучусу Аламүдүн-1 кичи районунда жашынып жаткан жеринен кармалды.

- 1972-жылы туулган О.Г. аттуу аял. Аламүдүн районунда жашайт. Кемин районунда колго түшүрүлгөн.

- 1989-жылы туулган К.В., Бишкек шаарынын жашоочусу, Ысык-Ата районунун аймагынан кармалган. Азыркы тапта кылмышка катыштыгы бар делген төртүнчү адамды кармоо иштери жүрүүдө.

Алдын ала маалыматтар боюнча, кылмыш чөйрөсүнүн өкүлдөрү түн ичинде жергиликтүү тургундун үйүнө келип уруша кеткенде аны сабай башташкан. Бул учурда анын атасы үйдөн чыгып уулуна болуша баштаган. Кылмышка шектүүлөр үй ээсин уулу менен кошо бир нече жолу бычактап, кылмышты жашыруу үчүн үйдү өрттөп салышкан.

Соттук-медициналык экспертиза эки жаран көп кан жоготкондуктан каза болгонун аныкташты. Учурда кармалгандар тергөө абагына киргизилип, иликтөө жүрүүдө.

Автор: Айпери Ганыжан кызы

10:46 04-02-2016

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 587 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 504 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 1058 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 469 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 864 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 809 0

Архив

Комментарийлер (8)

Aviator

2016-02-04 11:45:45

ХХХ ХХХ ХХХ... коомго эч кандай зыяны тийбейт.

admin_portal

2016-02-04 12:28:12

Aviator - эскертүү!
Порталдын эрежелерине туура келбеген билдирүүлөрдү жазууга тыюу салынат.

Sobr777

2016-02-04 11:49:51

Аял дейби? Кудай сакта

Bermet_Kasymova

2016-02-04 12:19:57

Кудай сакта, аялга не жок?! Жаман болуптур

Ago

2016-02-04 12:20:15

Онуккон мамлекеттерде мындай корунуш аз себеби бийлик каттуу курошот Кыргызстанда тескерисинче кылмыш коп Бийлик менен бандит дос же бандит бийликте

bars_wire

2016-02-04 13:00:21

АГО плюс бассам минус болуп кетти кечирим сурайм.Созуно кошулам.

maks83

2016-02-04 14:48:52

барыбыз эле кундо кылмыш ишин окуйбуз чынбы?мамлекетке нааразы болуп кетесин (чондорубузга) мыйзамды каттуу иштетсе паракорду жойсо мынча болбойт беле.

Nasyrkg

2016-02-04 23:41:40

Чондорун оздору кылмышкер болсо анан кандай тартип болот дагы милицяга рахмат

Комментарий калтыруу үчүн өз ысымыңыз менен кириңиз же каттоодон өтүңүз.