Бишкек-Торугарт унаа жолунда айдоочу жылкыны сүзүп кетип, унаа оодарылып, айдоочу жана 2 жүргүнчүсү жеңил жаракаттарды алды

Бишкек -Торугарт унаа жолунда айдоочу жылкыны сүзүп кетип, унаа оодарылып, айдоочу жана 2 жүргүнчүсү жеңил жаракаттарды алды. Бул тууралуу бүгүн, 2-мартта Өзгөчө кырдаалдар министрлигинен билдиришти.

Маалыматка ылайык, жол кырсыгы Кочкор районуна караштуу Семиз-Бел айылында орун алган. Анда Фольксваген үлгүсүндөгү унааны башкарган айдоочу жылкыны сүзүп, унаа оодарылып кеткен. Унаанын айдоочусу Изат Ү. жана жүргүнчүлөрү К. кызы Ажар, Бурдал И. жеңил жаракаттарды алышкан.

Автор: Мальвина Уметбекова