Борбор калаада тоноочулукка шектелип 20 жаштагы жигит кармалды

Борбор калаада тоноочулукка шектелип 20 жаштагы жигит кармалды. Бул тууралуу бүгүн, 3-мартта Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен Сокулук районунун Б.Жыргал аттуу тургуну кайрылган. Анда ал саат 03:00 чамасында белгисиз адамдар борбордук көчөлөрдүн биринен күч колдонуу менен 76 миң сом акчасын жана планшетин уурдап кетишкенин айткан. Жүргүзүлгөн ыкчам аракеттердин алкагында кылмышка шектүү катары Бишкек шаарынын 20 жаштагы К.М. аттуу тургуну кармалган. Учурда бул факт боюнча иликтөө иштери жүрүүдө.

Автор: Мальвина Уметбекова