Стол тенниси боюнча Бишкектин Ачык чемпиондугунун жеңүүчүлөрү аныкталды (фоторепортаж)

20-мартта Бишкекте стол тенниси боюнча шаардын Ачык чемпиондугу жыйынтыкталды. Аталган спорт түрүн жайылтуу, өнүктүрүү жана оюнчулардын чеберчилигин арттыруу максатында уюштурулган мелдешке 100дөн ашык спортчу катышты. Спортчулар Ош, Жалал-Абад, Чүй облустарынан, Түркмөнстандан жана Казакстандан келишкен.

Жыйынтыгында жекеликте уландар арасында Талгат Сагындыков, кыз-келиндер арасында Нуркыз Аязбекова жеңишке жетишти. Ал эми жуптукта уландар арасында Закир Ташмухамедов менен Вячеслав Клычев чемпион аталса, кыз-келиндер арасында Жылдыз Аязбекова менен Нуркыз Аязбекова жеңип чыгышты.