Чүй облусунда "чала таанышын ур-токмокко алган" деген шек менен 61 жаштагы жаран кармалды

Чүй облусунда "чала таанышын ур-токмокко алган" деген шек менен 61 жаштагы жаран кармалды. Бул тууралуу бүгүн, 25-апрелде Чүй облустук ички иштер башкы башкармалыгынан билдиришти.

Маалыматка ылайык, милицияга 7-апрель күнү арыз менен 53 жаштагы Д.А. аттуу жаран кайрылган. Ал 6-апрелде саат 20:00 чамасында Бакыт аттуу чала таанышы аны себепсиз ур-токмокко алганын билдирген. Бул факт боюнча “ден соолукка атайылап залал келтирүү” беренеси менен кылмыш иши козголгон. Жүргүзүлгөн иликтөө иштеринин алкагында кылмышка шектүү катары Ысык-Ата районунун 61 жаштагы Б.Б. аттуу тургуну кармалган. Учурда ал убактылуу кармоочу жайга камакка алынып, бул факт боюнча иликтөө иштери жүрүүдө.

Автор: Мальвина Уметбекова