"Атлетико" футболдук клубу конокто "Баварияга" утулганына карабай Чемпиондор Лигасынын финалына жолдомо алды (фоторепортаж)

"Бавария" (Германия) - "Атлетико" (Испания) - 2:1

Гол: Хаби Алонсо (31-мүнөттө), Роберт Левандовски (74-мүнөттө) - Антуан Гризманн (54-мүнөттө).

4-майга караган түнү Европадагы эң ири футболдук лига - Чемпиондор Лигасынын жарым финалдык баскычындагы жооптук оюн орун алды. Анда "Бавария" футболдук клубу өз үйүндө "Атлетикону" кабыл алды.

Беттеште "Бавария" футболдук клубу 2:1 эсебинде жеңишке жетишти. Германиялык клубга кийинки баскычка чыгуу үчүн бул эсеп катыштыгы жетиштүү болгон жок, себеби эки оюндун жалпы эсеби 2:2 болуп, "Атлетико" конокто киргизген голдун эсебинен жарым финалга чыкты (алгачкы оюнда "Атлетико" 1:0 эсебинде уткан).

Оюндун жүрүшүнө токтолсок, "Бавариянын" футболчулары 1-таймда өтө активдүү ойноп, атаандаштын дарбазасына катар-катары менен соккуларды узатышты. Алгачкы гол 31-мүнөттө айып соккусунан киргизилди. 34-мүнөттө үй ээлери эсепти 2:0гө айландырышмак, бирок Томас Мюллер пенальтиден гол киргизе албай калды. Бул эпизоддо "Атлетиконун" дарбазачысы Ян Облак мыкты болуп чыкты.

1-тайм аяктап, командалар 15 мүнөттүк эс алууга жөнөштү. Албетте, кийим которуучу жайда эки команданын тең машыктыруучулары шакирттерин катуу шыктандырганы белгилүү. 2-тайм башталганда "Бавариянын" коргоочулары ката кетирип, Антуан Гризманн дарбазачы Мануэль Нойер менен бирге-бир чыгып, эсепти теңеди. Кийинки гол 74-мүнөттө киргизилди. Бул гол "Бавариянын" кийинки турга чыгарына үмүт берди, анткени 3-голду жаратуу менен "Бавария" финалдык жолдомону камсыздамак.

85-мүнөттө Фернандо Торресте оюнга чекит койгонго мүмкүнчүлүк болду, бирок "Бавариянын" дарбазасына багытталган пенальти голго айланган жок.

Оюн акыр-аягына чейин "Бавариянын" чабуулдары менен коштолсо да, эсепте өзгөрүү болгон жок. Финалдык ышкырык жаңырып, "Атлетико" лиганын быйылкы сезонунун финалына жолдомо алган алгачкы команда болду (экинчи финалчы "Реал" - "Манчестер Сити" командаларынын оюнунда аныкталат).

Кошумчалай кетсек, финалдык беттеш 28-майда Италиянын Милан шаарында орун алат.

Бавария-Атлетико. Чемпиондор Лигасы. 1/2 финал

Автор: Максат Кудайбердиев

03:17 04-05-2016

Жазылуу

РУБРИКАДАГЫ СОҢКУ КАБАРЛАР

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 225 0

19:14 2025-05-10 | Түркүн дүйнө

Трмап Индия менен Пакистан ок атышууларын токтотконун жарыялады 610 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 630 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 381 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1436 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 820 0

Архив

Комментарийлер (19)

abusait

2016-05-04 03:23:42

Кутулгондой эле оюн абдан кызыды. Бавария устомдук менее ойноп утсада, финал ага буюрбаптыр. Матрасниктерди куттуктайбыз алар финалда!!

Samina007

2016-05-04 03:27:23

эээх күчтүү футбол болдуго,овер тайм болгондо андан да кызык болмок.жалко БМВ журбой калды

Nurbelek

2016-05-04 04:47:17

Миланда Сити менен рма нын кимиси тушсо да жейтко жейт атм))

-2

Shadykanov

2016-05-04 08:40:21

Nurbelek,Реал Мадрид тыгат коросунго шет 2-1 же 2-0 менен утат АТМ ди

-2

Mirkgz-1990

2016-05-04 09:37:59

Атлетико мадрид татыктуу эмес финалга

myshka406

2016-05-04 09:38:28

Реал талкалайтко баарын Кудай кааласа.

Мэри

2016-05-04 10:40:29

Сүрөттөр жакты )))

NARYNGRAD

2016-05-04 11:01:57

Атлетико чыкпайт болчу финалга, случайно кирген голдорунун арты менен эле чыкты, чын-чынына келгенде Атлетико Баварияга тен тайлаша ойной албайт.Бавария татыктуу болчу.

-2

kg_boy__91

2016-05-04 20:31:49

NARYNGRAD,сен оюнга конул бурган эмес окшойсун голдорду случайно кирди деп ойлосон

rukopashnik

2016-05-04 11:26:32

Атлетико татыктуу эмес дейсиңер,эмне Барселона Баварияны эшек такалап атып финалга келди дейсиңерби!
футболго түшүрбөгөндөн кийин антип жазыштын кажети жок,менин жеке ойум

bazarkyl

2016-05-04 13:30:34

rukopashnik,эн туура айтасын. Атлетиконун Оюундарын корбогондон кийин, отуруп алып ооз коптургон болбойт. Ла-лигада ошол Реал дегенинер Атлетикодон ылдый турат.

Mirkgz-1990

2016-05-04 22:12:52

rukopashnik,90 минута канча жолу барды бавариянын дарбаза жагына Атлетико мн өзүнө окшоп ойногон команда болсо ойундун кызыгы кетет алар өздөрүнүн полясына автобус эмес трактор парковать этип алыштыго

tashi62

2016-05-04 11:37:55

Оюн деп ушуну айт.

kg_boy__91

2016-05-04 20:27:12

Бул сезон атлетиконуку барселонаны чыгарды проуфиналда баварияны чыгарды эми финал да реалды чыгарат

ruslankg

2016-05-04 21:42:25

Атлетико 100%татыктуу ойноду

radj

2016-05-04 22:00:01

Финалда Атлетико Мадрид Ман.Сити ге да же Реал Мадридке да женил атаандаш эместиги айдан ачык. Балким быйылкы чемпион.

D.Malikov

2016-05-04 23:34:30

Атлетико женишке татыктуу.Финалда Реалды женсе жакшы болмок,эгер экоо ойноп калса.2013-14-жылкы сезондо Реал Атлетикогр акыркы секунддарда гол уруп,анан кошумча убакытта женип кеткен,бул сезондо женсе экен,буйруса.

Adi.Avazbekov

2016-05-06 17:59:34

D.Malikov,2013 14 jyldagy esep kaitalanat dagydagy

football1

2016-05-05 00:12:38

Кыскасы Гвардлер капут болду

Комментарий калтыруу үчүн өз ысымыңыз менен кириңиз же каттоодон өтүңүз.