"Көк бөрүнү ЮНЕСКОнун тизмесине киргизүү үчүн улак эмес, муляж тартканга туура келет" дейт Улуттук оюндар боюнча дирекциянын башчысы

Кыргыз мамлекети көк бөрү оюнун ЮНЕСКОнун материалдык эмес маданий мурастарынын тизмесине киргизүү аракетин дагы да болсо кызуу көрүп жатат. ЮНЕСКО буга чейин жандыктарды аёосуз кордоого каршы экенин белгилеп, көк бөрүнү тизмеге каттоо үчүн улактын ордуна муляж жасап чыгууну сунуштаган.

Бүгүн, 6-майда SUPER.KG порталына Улуттук оюндар боюнча дирекциянын башчысы Алмаз Касенов билдиргендей, ушул себептүү II Дүйнөлүк көчмөндөр оюндарында оюнчулар улак эмес, муляж тартып калышы мүмкүн. Себеби көк бөрүнү тизмеге каттатуу максатын көздөсөк, улактан баш тартканга туура келет.

Муляж жакында гана жасалып бүттү. "Аны байкап көрүп, кемчиликтерин оюнчулар айтсын деген ойдо Улуу Жеңиш майрамына карата Бишкектеги "Аккула" ат майданында уюштурулган көк бөрү мелдешине алып барганбыз. Улакчылардын муляж менен ойноп жатышканын көрүп, эл ат майданда баш аламандык кылып жибере жаздады. Сөгүнүп, салтты унутпоого чакыргандар болду", - дейт Алмаз Касенов.

Белгилүү болгондой, уюштуруучулар элдин реакциясын көрүп, муляжды текеге алмаштырууга мажбур болушкан. Элге түшүндүрүү иштери дагы да уланат.

Кошумчалай кетсек, II Дүйнөлүк көчмөндөр оюндары Ысык-Көл облусунун Чолпон-Ата шаарында 3-8-сентябрь аралыгында өтөт.

Автор: Максат Кудайбердиев

10:54 06-05-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (8)

KDM.Asylbek

2016-05-06 11:07:02

Муляждын сыртынан текенин тээрисин сырдап койсо текеге окшоп калат экен.
Бирок аны дүйнөлүк ойундарда гана ойноп башка өзүбүзчө республикалык ойундарда улак менен эле ойногон оңго.

Almaz-93

2016-05-06 11:42:25

ЮНЕСКОГО кирбесек эмне кок-бору жок болуп кетмек беле. Кирбей эле койуш керек. Жасалма мн тартылса анча болбой калат.

-3

Sizge.kat

2016-05-06 13:01:56

Almaz-93, Биз киригизбесек казактар киргизет биздин ойун деп анан кийин улак ойуну дуйнолук аренага чыкканда (буюрса)казактын ойуну деп турганы жакшыбы же сага баары бирби

Almaz-93

2016-05-06 16:31:12

Sizge.kat,Казак биринчи далилдесинда кок- борунун башында турганын. Казак тарыхыны эми 5 кылым болуп жатса каяктагы казактыкы. Кичине тарыхтын учун билген адамга тушунуктуу болсо керек.

dubai

2016-05-07 02:33:08

Almaz-93,элдин баары биле бербейт,казак киргизсе казактыкы болуп калат,ошол учун муляж болобу балакет болобу киргизиш керек.

Ulik922

2016-05-06 15:28:15

Бул маникенди бешинде аккула ат майданында оюн болду,ошол жерден Сары озон менен тош булак командасынын оюнунда,элдер ойнотпой койду,чынында оюндун баркы жок болуп калат экен анан элдер алып бербей коюшту,акыры уюштуруучулар чыныкый улак тартканга макул болушту

ere

2016-05-06 16:24:15

Жасалма чындыка коошпойт экен

Kroxa

2016-05-06 22:36:08

Женил болуп калса керек кызыксыз го,юнеско жаныбарды кыйнаган болбойт деген тура..

Комментарий калтыруу үчүн өз ысымыңыз менен кириңиз же каттоодон өтүңүз.