Сузакта окуучулар арасында спорттук мелдеш өткөрүлдү (фото)

Сузакта “Спорт - тынчтыктын элчиси” деген ураандын алкагында окуучулар арасында спорттук мелдеш өткөрүлдү. Бул тууралуу бүгүн, 23-майда Жалал-Абад ОИИБинин басма сөз кызматы билдирди.

Маалыматка ылайык, Сузак райондук ички иштер бөлүмү уюштурган иш-чара Тарых жана маданият жылына карата спорттун волейбол, баскетбол жана футбол түрлөрү боюнча улан-кыздар арасында өткөрүлгөн.

"Иш-чаранын максаты - өспүрүмдөр арасында зордук-зомбулукту жоюу, достукту бекемдеп, ынтымакты арттыруу, ошондой эле кылмыштуулуктун алдын алуу", - деп айтылат маалыматта.

Мелдештин жыйынтыгында ийгилик жараткан командаларга баалуу белектер жана грамоталар тапшырылды.

Автор: Акназар Сулайманкулов
Фото: ОИИБинин басма сөз кызматы