Борбор калаада белгисиз жарандар 60 жаштагы кишинин үйүнө кирип аны сабап, бычактап кетишти

Борбор калаада белгисиз жарандар 60 жаштагы кишинин үйүнө кирип аны сабап, бычактап кетишти. Бул тууралуу бүгүн, 25-майда "Тез жардам" кызматынан билдиришти.

Маалыматка ылайык, саат 03:33 чамасында "Тез жардамдын" нөөмөт бөлүмүнө "сабап, бычактап кетти" деген билдирүү түшкөн. Саратов көчөсүндөгү үйлөрдүн бирине барган кызматкерлер 60 жаштагы мас абалдагы жаранды белгисиз адамдар үйүнө кирип сабап, ал баш мээси чайкалып, бетинен башынан жаракат алып жана сол далысынан бычактан жаракат алганын аныкташкан. Жабырлануучу ооруканага баруудан баш тарткан.

Автор: Мальвина Уметбекова