Футбол. Иранга каршы беттешке даярдык алкагында улуттук курам "Алай" клубу менен беттешет

КРнын Футбол федерациясы Иран курамасы менен беттеш өткөрүү боюнча макулдашканы улуттук курамдын Ошто "Алай" футболдук клубу менен болчу беттешинин уюштурулуусуна жолтоо болбойт. Улуттук курам өлкө чемпиону "Алай" менен Иранга карата көрүлүп жаткан даярдыктын алкагында беттешет.

Кошумчалай кетсек, 2-июнда бир катар улуттук курамалар жолдоштук беттеш өткөрүшөт. Буга чейин ушул датага Кыргыз Республикасы-Ливан беттеши пландалган. Ливандыктар саясий кырдаалдардан улам беттешке келбей турганын айткан соң кыргыз футболчулары Өзбекстан менен ойноору айтылган. Көп өтпөй өзбек тарап да беттештен баш тарткан.

Автор: Максат Кудайбердиев
Фото: Максат Кудайбердиев