Кыргыз футболчулары 2014-жылкы Дүйнө чемпиондугунун катышуучусу Иран курамасы менен беттешет

7-июнда футбол боюнча улуттук курама команда Иран курамасы менен беттешет. Бул тууралуу КРнын Футбол федерациясы кабарлады.

Маалыматка ылайык, Азия футбол конфедерациясынын рейтингинде алдынкы сапта турган Иран курамасы менен беттеш Тегеран шаарында өтөт. Бул беттеш Эл аралык футбол федерациясынын (ФИФА) расмий жолдоштук беттештеринин тизмесине киргизилди.

"Ливан жана Өзбекстан курамаларынын беттештен баш тартканы футболчуларыбыздын даярдыгына тиешелүү деңгээлде терс таасирин тийгизди. Ошентсе да башка курамалар менен сүйлөшүүлөр уланып, акыркы жакшы жыйынтык чыкты", - деп жазылат федерациянын маалыматында.

Иран курамасы 2018-жылкы Дүйнө чемпиондугунун жана 2019-жылкы Азия чемпиондугунун тандоо турунда "D" тайпасына бөлүнгөн. Бул тайпада ирандыктар 20 упай топтоо менен Азия чемпиондугуна жолдомо алышты. Эми команда Орусияда өтчү Дүйнө чемпиондугу үчүн күрөштү улантат.

Ал эми Кыргыз Республикасынын улуттук курамасы тандоо турунда "В" тайпасында ойноду. Жыйынтыгында команда тайпада 14 упай топтоо менен 3-орунду ээледи (алдыда Австралия - 21 упай, Иордания - 16 упай). Биздин курам Дүйнө чемпиондугу үчүн күрөштөн чыгып, Азия чемпиондугуна жолдомо алуу аракетинде.

Кошумчалай кетсек, Иран курамасы 2014-жылы Бразилияда өткөн футбол боюнча Дүйнө чемпиондугуна катышып, Аргентина, Нигерия, Босния жана Герцеговина курамалары менен бир тайпада ойногон. Жыйынтыгында 2 оюнун уттуруп (Аргентинага 1:0 эсебинде, Боснияга 3:1 эсебинде), Нигерия менен тең эсепте ойногон (0:0).

Автор: Максат Кудайбердиев

10:20 26-05-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (8)

ali1995

2016-05-26 10:23:27

азаматтар!эми ийгилик жениш болбосода оюн корсотуп келгиле жакшы

gena_alai

2016-05-26 10:30:10

Ийгилик каалайбыз)! Алга Кыргызстаным!

Aduk_aksuu

2016-05-26 10:30:20

Жакшы жанылык . Ушундай кучтуу командалар менен ойнош керек тажрыйба алат

aash

2016-05-26 13:50:04

Aduk_aksuu,Ото эле кучтуу эмесби?)

daniyar93

2016-05-26 10:31:15

ФФКР Азамат, Иран менен Кыргызстандын Сборныйлары (Олимпиадалык) Акыркы Жолу 2014- жылы ИНЧХОН до откон Азия Оюндарында Таймашкан Жана Тен чыгуу Катталган

Urmat-1989

2016-05-26 11:56:36

эн сонун
татыктуу оюн корсотсун эми ирандыктарга каршы

aidartegin

2016-05-26 11:57:16

эми ушулар Башкаларга окшоп орто жолдон баш тартпай ойнойт деген ишеничтебиз... ийгилик, Месси менен ойного мамлекеттии уткула/!

ruslankg

2016-05-26 22:32:25

0:3 утуп аргентинаны тан калтыргылачы,ушул ойунда утушса анда кыргыз футболчуларынын абройу которулот булда болсо бир шанс алга кыргызстан!

Комментарий калтыруу үчүн өз ысымыңыз менен кириңиз же каттоодон өтүңүз.