Күйөөсүн жиликтеген келиндин соту: Айыпталуучуну бир нече жерге жеткирген таксисттер суракка алынды

Бүгүн, 27-майда Бишкек шаарынын Октябрь райондук сотунда "күйөөсүн жиликтеп, анын дене бөлүктөрүн шаардын ар кайсы райондоруна таштаган" деп айыпталган келиндин иши боюнча соттук отурум улантылды.

Соттук кароодо айыпталуучу окуя болгондон кийин колдонгон такси кызматтарынын айдоочулары суракка алына баштады. Алардын бири Ремир Пак төмөнкүлөрдү билдирди: "Саат 01:00 чамасында Ала-Арча-2 районунда (Абдрахманов көчөсүндө) унаамда отурсам жаныма бир кыз келди. Ал менден Ахунбаев-Абдрахманов көчөлөрүнүн кесилишине чейин жеткирүүнү өтүндү. Кетип баратып жолдон акча алмаштыруучу жайга токтодук. Андан кийин ал ага бензин керек экенин айтты. Абдрахманов-Донецкий көчөлөрүнүн кесилишиндеги май куюучу жайдан 200 сомго бензин сатып алып, аны желим идишке куйдук. Кийин ал өзү түшкөн жерине айдатып келип, кайра эле ошол жакта калган".

Анын айтымында, бейтааныш кардар бензин сатып алгандан кийин анын күйөөсүнүн унаасы бузулуп калып, от албай жатканын билдирген.

"Мен аны эстеп калган жокмун", - деп кошумчалады ал.

Ал эми суракка алынган Жыргалбек Мусабеков аттуу экинчи таксист саат 06:00 чамасында Совмин (шаардын түштүк тарабы) шаарчасына чакыруу түшкөнүн билдирди.

“Чакырылган дарекке келгенимде 2 баласы менен келин чыкты. Ал подъездде палас бар экенин айтты. Палас багажникке батпай, аны унаага салууга туура келди. Анан Абдрахманов-Донецкий көчөсүндөгү унаа жуучу жайга бардык. Кардар паласты ошол жакка калтырды. Ал жактан Манас-Ташкент көчөлөрүнүн кесилишине жеткирдим, келин эки баласын ошол жакка калтырып чыкты. Андан кийин келин Чүй-Манас көчөлөрүнүн кесилишинде калды. Ал мага 300 сом төлөдү”, - деди ал өз көрсөтмөсүндө.

Эскерте кетсек, 2015-жылы 14-августта Бишкектин 5-кичи районунда таштанды челектеринин биринен эркек адамдын дене бөлүктөрү: кесилген колдору жана буттары табылган. Анын эртеси өлтүрүлгөн адамдын башы Фучик көчөсүнөн, чемоданга салынган денесинин дагы бир бөлүгү борбордогу чайканалардын биринин жанынан табылган. Тергөөнүн жүрүшүндө кылмышка шектүү катары маркумдун аялы кармалып, ал кылмышын моюнга алган. Кылмышка шектүү менен маркум Эрлан Оркошов 4 жыл бирге жашашкан, ортосунда 2 уулу бар.

Автор: Мальвина Уметбекова

12:48 27-05-2016

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 256 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 285 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 247 0

22:26 2025-06-26 | Коом жана турмуш

27-июнга карата аба ырайы 356 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1809 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1338 0

Архив

Комментарийлер (9)

MAKALAK

2016-05-27 13:01:37

Оркошев биздин частьта болгон эле болгону бир ай жургон анан чыгып кеткен байдын баласы эле

Jazi89

2016-05-27 14:25:54

Ошо катыны олтургонуно ишенбей турам да буну биролор эле мойнуна алдырып койдуда бир гана кудай билет да

radyakiz

2016-05-27 14:54:47

Ушунча соту болуп атат кыздын туугандарф тараптан бироосу да бирдеме деп коммент бербейт го мен ошого танмын ,мумкун чын эле озу кылгандыр туугандарына айтса керек да ошон учун алар эчтеме дей албай атышат,болбосо ушул убака чейин бироосу чыкмак да бул уюштурулган тиги бул депчи.

mirsapar

2016-05-27 17:47:00

мамлекеттик денгээлде ачык ай

isnur93

2016-05-27 18:13:03

Бироо жасап моюнуна алдырса керек,эгер албасан балдарыны да ушинтебиз деп.

jalguzum

2016-05-27 19:22:26

Таксисттерди эмнеге суракка алат аларды озу чакырган болсо таксист озунун кызматын аткарды да алар каяктан билсин

-2

BOSSFR

2016-05-27 23:14:19

jalguzum,Балким таксист дагы бир нерсени айтат

Ibi86kg

2016-05-27 23:16:00

Кылдыбы мойну мн тартсын эчким ортого тушпосун бирок омур бою эркинен ажыратсвн

admin_portal

2016-05-30 13:28:00

Fatima1991, негизсиз айыптарды камтыган билдирүүнү калтырууга тыюу салынат!
AKCAHAT, жеке билдирүүлөрдү купуяга жазыңыз!

Комментарий калтыруу үчүн өз ысымыңыз менен кириңиз же каттоодон өтүңүз.