КИНОЗАЛ: "Көрүүчүлөр терс каарманды ойногон актрисаны сабайбыз дегенге чейин барышты" дейт "Тоңгон көз жаш" тасмасынын режиссёру

"Кинозал" бөлүмүндөгү таасирдүү тартылган кыска метраждуу тасма "Тоңгон көз жаш" деп аталат. Режиссёру - Нишанбай Топчубаев. Анда Жаркын Балыкбаева, Аскар Жетигенов, Гүлнара Эшалиева сыяктуу актёр-актрисалар роль жаратышкан.

Тасманын режиссеру Нишанбай Топчубаев буларга токтолду:

"Жүрөк муздаса, бир нерседен көңүлү катуу калса, кийин жибибей коюшу мүмкүн, анан адам өмүр бою нааразы болуп өтүп кетет. Ошол сыяктуу эле көз жаш да тоңот. Андыктан тасма "Тоңгон көз жаш" деп аталат. Анда канчалык кайгыга батып, капаланып турса да эч нааразылыгын билдирбей, уулуна келинин жамандабаган эненин балага болгон сүйүүсү, мээрими көрсөтүлөт.

Тасма тууралуу идея жаралганда ага ылайыктуу актёр-актрисаларды издеп баштагам. Гүлнара Эшалиеваны көрөрүм менен терс каармандын образын жарата аларын билип, тасмага чакыргам. Аны атайын күтүп жатып тартканбыз. Бардык актёрлор жакшы ойноп беришти, ошондуктан да тасма таасирдүү болду. Интернетте кенен жайылып, көрүүчүлөр "терс каармандын образын жараткан актрисаны көрүп калсак сабайбыз" дегенге чейин барышыптыр. Анын күнөөсү жок да, болгону ал өзүнө берилген образды жеткиликтүү аткарган".

Тасмада "Эненин көз жашы акпасын. Ата-энелер ар дайым сый-урмат үстүндө жүрүшсүн" деген ой айтылып, келин менен кайнене ортосундагы мамиле, эненин сабырдуулугу, балага болгон мээрими, сүйүүсү баяндалат.

"Тоңгон көз жаш" тасмасын бул жерден көрүңүз.

Автор: Турсунай Алымкулова

17:47 06-06-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (9)

Nariste...12

2016-06-06 18:02:03

Чынында келин жакшы аткарган. Бирок биз дагы коруп , келинге жинибиз келген. Негизинен берилген ролду жеткире алган. Ийгилик!

Bermet_Kasymova

2016-06-06 19:59:02

Че-то мен да сабагым келип баштады.

AIZAD

2016-06-06 20:56:42

Эмне деген карангычылык эми ушул?! Актрисаны сабайбыз деп.....

gylburak_kg

2016-06-07 00:46:58

Омий тоба тоба кызык

rukopashnik

2016-06-07 00:58:29

кино актирисаны сабайбыз дегендер,эгер өзүңөрдүн келиниңер ушундай болуп калса көрөт элем сабаганыңарды...
ал дагы бирөөнүн кызы да и

chakieva87

2016-06-07 02:05:10

Чынында мааниси жакшы тасма. Киноого берилип корсон ал учурда кино эмес эле жанында болуп аткандай сезилет да негизи

kanykeim

2016-06-07 11:52:29

gulnara aiabai jakwy kyz,kinonu aiabai jakwy atkargan

barpy1

2016-06-07 16:38:06

Бул тасманы корбодум го, бирок "ээнсиреген уй" тасмасын тарткан режиссер-продюсерин, актер, актриссаларын сабаш керек эле ыйманга, моралга, коомдук ан-сезимге каршы корунушторду тартып пропаганда кылышканы учун...

Qnet

2016-06-07 17:08:33

Мен аябай ыйлап коргом бул тасманы!

Комментарий калтыруу үчүн өз ысымыңыз менен кириңиз же каттоодон өтүңүз.