Евро-2016: Францияда стадиондордун тегерегинде алкоголдук ичимдиктерди сатууга тыюу салынды

Марсель шаарындагы баш аламандык учурунда тартылган сүрөт. Футбол сүйүүчүлөрүнүн колунан сыраны көрүүгө болот.

Франциянын күч органдары Европа чемпиондугу өтүп жатканына байланыштуу стадиондорго жакын жерлерде алкоголдук ичимдикерди сатууга тыюу салды. Бул тууралуу чет элдик маалымат булактары кабарлайт.

Маалыматка ылайык, бул чечимдин кабыл алынуусуна Марсель шаарындагы баш аламандык себеп болгон. Анда Орусия жана Англия курамаларынын күйөрмандарынын ортосунда мушташ чыгып, бир канча күйөрман жабыркаган.

Автор: Максат Кудайбердиев