Түркмөнстанда кыргыз туристтик көргөзмөсү өттү

Түркмөнстандын Көркөм сүрөт искусство музейинде Кыргыз Республикасынын Маданият күндөрүнүн алкагында "Kyrgyzstan So much to discover" аталышындагы туристтик көргөзмө-жарманкеси өттү. Бул тууралуу Маданият, маалымат жана туризм министрлигинин басма сөз кызматы бүгүн, 16-июнда кабарлады.

"Көргөзмөнүн көрүүчүлөрүнө кыргыз жергеси боюнча туристтик жол көрсөтмөлөр, маалымат китепчелери, кийиз буюмдар, азыктар жана туристтик кызматтар көрсөтүлдү", - дейт Туризм департаментинин алдынкы адиси Индира Шадыканова.

Эскерте кетсек, Түркмөнстанда 14-16-июндарда Кыргыз Республикасынын Маданият күндөрү өтүүдө.

Автор: Үмүт Абдраимова
Фото: Маданият, маалымат<br>жана туризм министрлиги