Евро-2016: Бүгүн Хорватия-Испания, Түндүк Ирландия-Германия беттештери орун алат (анонс)

Бүгүн, 21-июнда Франциядагы Европа чемпиондугунда тайпалык баскычтагы оюндар уланат. Бул күнү "С" жана "D" тайпаларында экиден беттеш орун алат. Беттеш өтчү стадиондор, башталыш сааттары тууралуу маалыматтарды назарыңыздарга коёбуз.

"C" тайпасы. 3-тур

Бул тайпада кийинки турга жолдомону Германия жана Польша курамалары камсыздап коюшкан. 3-орунду ээлеп, кошумча жолдомого ээ болуу аракетин Түндүк Ирландия курамасы кызуу көрүүдө. Украина үчүн мелдеш бүткөн түргө келди. Болгону украиналык футболчулар күйөрмандары үчүн майданга чыгып, аларды жубатуу үчүн татыктуу оюн өткөрүүгө аракет кылышат.

УКРАИНА-ПОЛЬША
Марсель шаары. "Велодром" стадиону
Калыс: Свейн Моэн (Норвегия)
Башталышы: 22:00 (Бишкек сааты боюнча)

ТҮНДҮК ИРЛАНДИЯ-ГЕРМАНИЯ
Париж шаары. "Парк-де-Пренс" стадиону
Калыс: Клеман Турпен (Франция)
Башталышы: 22:00 (Бишкек сааты боюнча)

"D" тайпасы, 3-тур

Хорватия курамасы менен Испаниянын беттеши көпчүлүк күткөн беттеш экени талашсыз. Сапаттуу футбол көрсөтүү менен катар бул командалар тайпадагы 1-орунду талашышмакчы. Ал эми Түркия-Чехия беттеши да көп кызыкты убадалаган беттеш. Себеби алгачкы 2 беттеште жеңилүүгө мажбур болгон түрк футболчулары үчүн абалды оңдоого аракет кылышат. Хорватия менен беттеште акыркы мүнөттөргө чейин 1 упай үчүн күрөшкөн Чехия болсо бул жолу 3 упай алуу максатында майданга чыгат.

ЧЕХИЯ-ТҮРКИЯ
Ланс шаары. "Феликс Боллар-Делелис" стадиону
Калыс: Уильям Коллам (Шотландия)
Башталышы: 01:00 (Бишкек сааты боюнча)

ХОРВАТИЯ-ИСПАНИЯ
Бордо шаары. "Стад-де-Бордо" стадиону
Калыс: Бьорн Кейперс (Голландия)
Башталышы: 01:00 (Бишкек шаары)

МЕЛДЕШ ЖАДЫБАЛЫ: