Евро-2016: Хорватия курамасы Европанын учурдагы чемпиону Испанияны "тизе бүктүрдү"

Иван Перишич хорватиялыктарга жеңиш алып келди.

Иван Перишич жана испаниялык Сеск Фабрегас

Никола Калинич

Хорватиялык футболчу Никола Калинич эсепти теңеп жатат.

Испаниялык футболчулар эсеп катыштыгында алдыга чыгышты.

Футбол боюнча Францияда өтүп жаткан Европа чемпиондугунда жарым чейрек финалдык жолдомо ээлери аныкталууда. 22-июнга караган түнү "D" тайпасында 2 беттеш орун алды: Хорватия курамасы Испанияны, Түркия курамасы Чехияны утуп алды. 3 турдун жыйынтыгында тайпа лидери Хорватия болуп калды.

Хорватия-Испания беттешинде эсепти испаниялыктар ачышты. 7-мүнөттө Альваро Мората командасын алдыга алып чыкты. Хорваттар 45-мүнөттө Никола Калиничтин голу менен эсепти теңегенге жетишти. Жеңиш голун 87-мүнөттө Иван Перишич өз эсебине жазды. Оюндун 72-мүнөтүндө Европа чемпиондорунун курамынан Серхио Рамос пенальтиден жаза басып, гол жарата алган жок. Бул атаандашка моралдык жактан артыкчылык бергенин айттырбай түшүнүү мүмкүн.

Түркия-Чехия беттешинде түркиялыктар Бурак Йылмаздын голу менен 10-мүнөттө алдыга чыгышты. Андан соң коргонууга ыктап ойноого өткөн түрк футболчуларынын кийинки голун Озан Туфан 66-мүнөттө киргизди.

Хорватия жана Испания курамалары кийинки турга чыга алышты. Ал эми Түркия кийинки тайпалардагы 3-орун ээлеринин упайларын санаганга мажбур, себеби 6 тайпада 3-орунду ээлеген командалардын төртөө гана кийинки баскычка чыга алат.

"D" тайпасында абал төмөнкүчө:

1. Хорватия - 7 упай

2. Испания - 6 упай

3. Түркия - 3 упай

4. Чехия - 1 упай