Евро-2016: Италия курамасы Ирландияны кийинки баскычка чыгарды, Ибрагимович чемпиондук менен коштошту (фоторепортаж)

Ирландиянын чыгаан футболчусу Робби Кин командасынын италиялыктарды утканына маашыр болуп турган маалы...

Ирландиялыктардын кубанычында чек жок.

Италиялык Симоне Дзадза (№7) атаандашы менен топ үчүн күрөштө...

Италия-Ирландия беттеши. Роберт Брэди жеңиш голун киргизүүдө...

Жеңилүү ызасын тарткан Златан Ибрагимович

Бельгиялык Кевин Де Брейне кезектеги чабуулунда...

Швеция-Бельгия беттеши. Дрис Мертенс (алдынкы планда) швециялык Виктор Линделефке артын салып, топ токтотуу аракетинде...

Бельгиялыктар жеңиш голун белгилеп жатышат.

Наингголан топту дарбазага багыттап жатат.

Бельгиялыктар Златан Ибрагимовичке эч кандай мүмкүнчүлүк беришкен жок.

Бельгия курамасы

Швеция курамасы

Франциядагы футбол боюнча Европа чемпиондугунда тайпалык оюндар жыйынтыкталды. 22-июнда "Е" тайпасында 2 беттеш орун алып, айрым командалар кийинки турга чыгуу үчүн болгон аракеттерин жумшашты.

Жыйынтыгында бул тайпада Златан Ибрагимович баштаган Швеция курамасы Бельгияга утулуп, мелдештен четтеп калды. Ал эми алгачкы 2 турда плей-офф жолдомосуна ээ болгон Италия курамасы Ирландияга утулуп, атаандашынын кийинки баскычка чыгуусун камсыздады.

Швеция-Бельгия - 0:1

Гол: Наингголан (84-мүнөттө)

Италия-Ирландия - 0:1

Гол: Брэди (85-мүнөттө)

Бул тайпадан Италия, Бельгия, Ирландия плей-офф баскычына чыгышты. Алардын 1/8 финалдагы атаандаштары:

Бельгия-Венгрия

Италия-Испания

Ирландия-Франция