Жумгал районунда баңгизат менен төрт жаран кармалды

Жумгал районунда баңгизат менен төрт жаран кармалды. Бул тууралуу бүгүн, 10-августта Ички иштер министрлиги билдирди.

Маалыматка караганда, 8-август түнү Кызыл-Жылдыз айылында катуу ылдамдыкта бараткан унаа токтотулуп, Жол-патрулдук милициянын кызматкерлери тарабынан текшерүүгө алынган. Анда айдоочу жана үч жүргүнчүнүн мас абалда экени аныкталган. Ошондой эле унаанын ичинен 1 килограммга жакын марихуана табылган. Анын негизинде 1987-жылы туулган Н.Д., 1988-жылы туулган Н. у. Т., 1988-жылы туулган К.К. жана 1992-жылы туулган К.К. Жумгал райондук ички иштер бөлүмүнө алып келинген.

Учурда кылмыш иши козголуп, тергөө амалдары жүрүп жатат. Унаа айып жайга токтотулду.

Автор: Бекжан Рыскулов