Спикер көк бөрү оюнунун өнүгүшүнө 300 миң сом каражат бөлөрүн убада кылды

Жогорку Кеңештин төрагасы Чыныбай Турсунбеков бүгүн, 10-августта II Дүйнөлүк көчмөндөр оюндарына катыша турган көк бөрү боюнча улуттук курам менен жолугушту. Иш-чарага “Кыргызстан” парламенттик фракциясынын лидери, Көк бөрү федерациясынын президенти Канатбек Исаев да катышты. Бул тууралуу спикердин басма сөз катчысы Мирлан Токталиев билдирди.

Турсунбеков кыргыз эли ат жалында ойногон чапчаң жигиттерге – көк бөрүчүлөргө сый-урмат менен мамиле кылып келишкенин, алар улуттук оюндарды улап, кийинки муундарга эле калтырбастан, эли-жерин сырткы душмандардан дагы коргоп келгенин белгиледи. Ошону менен катар Чыныбай Турсунбеков кыргыз эли көк бөрү оюну менен адамзат маданиятына салым кошконун көрсөтүп келе жатканын айтып, көк бөрүчүлөргө кыргыз парламенти дагы колдоо көрсөтөрүн, II Дүйнөлүк көчмөндөр оюндарында баш байгени колдон чыгарбайт деп бекем ишеним артарын билдирди.

Маалым болгондой, улуттук курам өлкөнүн алдынкы беш командасынан тандалып алынган жана бир айдан бери машыгуулар жүргүзүлүп келет.

Спикер башка жумуштарын, үй тиричилигин мындай коюп, Кыргыз Республикасынын намысын коргой турган, көз кубанткан балбан жигиттерге ак жол каалап, бата тиледи. Ошондой эле Жогорку Кеңештин төрагасынын фондунан көк бөрү оюнунун өнүгүшүнө 300 миң сом каражат бөлүнөрүн белгиледи.

Автор: Максат Кудайбердиев
Фото: Спикердин басма сөз катчысы

14:23 10-08-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (5)

elmurat.kg

2016-08-10 14:50:38

алга кок боручулор...негизи мамлекеттер коп келив жатканы аябай кубандырат...айрыкча Америка материгинен и европаданда

nurkasym-2014

2016-08-10 14:57:52

Канча мамлекет коп катышса ошончо жакшы.Кыргызстан буткул дуйного дунгуройт эле.

-1

Kainar20

2016-08-10 15:25:40

Азамат окумот тура менин кыялымдагы нерсени аткарыптыр чындыгында биздин кок бору ойногон жигитерди коптору таный бербейт ошондуктан буларды маданият жака конок кылып чакырып туруш керек квн тамашоу Ермек нурбаевка кайрылат елем жалан фудбол ырчыларды чыкыра бербей ушул ер ойюнун ойногон кок борунунда жигиттерин чакырып калыстар тобуна кошуп койгулачы

-1

Agysha

2016-08-10 15:27:35

Ушул кок бору оюну кандай сонун оюн, абдан кызыгуу менен кутуп кором, ар бир оюнун. Сонун оюнчуларыбыз бар биздин, кочмондор оюнунда
казак оюнчулар коркуп баш тартышты эле, быйыл эмне болушар экен. Рахмат мамлекетке бир аз болсода, кыргыз спортуна конул буруп атат, ушуга да тобо кылалы Алла ыраазы болсун.

Arslan12

2016-08-11 02:45:03

Уят болбой откоруп алалы, анан дагы кочмондор оюну болгон жерди жергиликтуу бийлик колго алып маданий жерге айлантса болот, таштандыга айландырбай, канчалаган акча коротулуп атат!

Комментарий калтыруу үчүн өз ысымыңыз менен кириңиз же каттоодон өтүңүз.