Таласта мамлекеттик чек араны бузган эки адам кармалды

Таласта мамлекеттик чек араны бузган эки адам кармалды. Бул тууралуу бүгүн, 18-августта Мамлекеттик чек ара кызматынан билдиришти.

Маалыматка караганда, эки кыргыз жараны 17-август күнү Манас районунун аймагында чек арачылар тарабынан кармалган. Алардын айтымында, Казакстанда иштеп, кайра Кыргыз Республикасына келе жатышкан. Алар көзөмөл-өткөрүүчү жайдан эмес, башка жерден өлкө аймагына өтүп, мамлекеттик чек араны бузушкан.

Учурда бул боюнча тиешелүү документтер толтурулуп, кармалган эки жаран УКМК кызматкерлерине өткөрүлүп берилди.

Автор: Бекжан Рыскулов