Кочкор районунун тургуну 350 килограмм буудай, 1 тоок, 1 үндүк жана бут кийим уурдаганы үчүн 4 жылга эркинен ажыратылды

Кочкор районунун тургуну 350 килограмм буудай, 1 тоок, 1 үндүк жана бут кийим уурдаганы үчүн 4 жылга эркинен ажыратылды. Бул тууралуу бүгүн, 19-августта Нарын облустук сотунан билдиришти.

1984-жылы туулган К.Мирбек “үстүбүздөгү жылдын март айында Кочкор районунун Кара-Суу айылынын тургуну У.Жнын 350 килограмм буудайын жана ошол эле айылдын тургуну А.Кнын короосунан 1 тоок, 1 үндүк, бут кийим уурдаган” деп айыпталган. Натыйжада жабырлануучу У.Жга 3850 сом материалдык чыгым келтирилип, чыгым өндүрүлгөн эмес. Ал эми А.Кга 5700 сом зыян келтирилип, тергөө учурунда жарымы өндүрүлүп, 1250 сомдук материалдык зыян өндүрүлгөн эмес.

Бул иш боюнча Кочкор райондук соту К.Мирбекти күнөөлүү деп таап, 3 жылга эркинен ажыраткан. Ошондой эле Кылмыш-жаза кодексинин 59-беренесинин (бир нече кылмыш жасагандыгы үчүн жаза белгилөө) негизинде белгиленген жазалар жарым-жартылай кошулуп, биротоло 4 жылга эркинен ажыратылган. Соттолуучу жазасын жатак-абактарында өтөйт.

Айта кетсек, К.Мирбек мурда да “кылмыш далалаты” жана “ишенип берилген мүлктү ээлеп алуу” беренелери менен сот жообуна тартылып, 2 жылга сыноо мөөнөтү чектелген. Жазасын өтөп бүтүп, соттуулугу жоюлган.

Автор: Бекжан Рыскулов
Фото: Интернеттен алынган

10:54 19-08-2016

Жазылуу

РУБРИКАДАГЫ СОҢКУ КАБАРЛАР

23:45 2025-06-25 | Спорт

"Мен чемпион" спорттук оюндарынын салтанаттуу ачылыш аземи болуп өттү (фото) 259 0

23:39 2025-06-25 | Түркүн дүйнө

АКШда көлгө чагылган түшүп, 20 адам жабыркады 343 0

23:03 2025-06-25 | Кылмыштар, кырсыктар

Өзүн УКМК кызматкери катары тааныштырган. Караколдо алдамчылыкка шектүү адам кармалды 572 0

22:34 2025-06-25 | Коом жана турмуш

26-июнга карата аба ырайы 426 0

21:55 2025-06-25 | Түркүн дүйнө

Трамп Ирандын өкүлдөрү менен качан сүйлөшө турганын айтты 905 0

21:26 2025-06-25 | Коом жана турмуш

Шашылыш билдирүү: Тоолуу райондордо сел жүрүшү мүмкүн 637 0

Архив

Комментарийлер (4)

gulzar_gulu

2016-08-19 11:26:26

Адам өлтүргөндөр эркиндикте эле жүрөт го. Кыргызстанда мыйзам бар экенин билбепмин.

Frunze74

2016-08-19 12:42:15

Мына сага!!! 5-8мин сом учун 4 жыл дагы, казынадан 5-8млн $(!) уурдагандар 4 айга да камалбайт. Ушул да адилеттуулукпу?! Корунуп турат соттордун гумандуулугу. Кылмыштуу топтор, паракор чиновниктер эркиндикте сайрандоодо, бечара тоок-козу, телефон уурдагандар абакта... Тукурдум мен ушундай сот системасына... Дагы реформа дегенин айтасынбы...

talant

2016-08-19 15:18:31

oshol uurdagan nerseler boyuncha eseptegende 4 jyl kop da , bul zaman akchasy joktorgo kor zaman go , chirkin

Nemo_0587

2016-08-20 15:25:11

Мына сага адилеттүүлүк! Миллион пара менен кылмыш үстүнөн кармалгандар да камалбай, тоок уурдаганды камаптыр.

Комментарий калтыруу үчүн өз ысымыңыз менен кириңиз же каттоодон өтүңүз.