Оор атлетика федерациясы Иззат Артыковдун анализин кайра тапшыруу суранычы менен кат даярдап жатат

Оор атлетика федерациясы коло медалы жокко чыгарылган спортчубуз Иззат Артыковдун анализин кайра тапшыруу суранычы менен Эл аралык допингге каршы күрөшүү агенттигине кат даярдап жатат. Бул тууралуу бүгүн, 19-августта Жаштар иштери, дене тарбия жана спорт мамлекеттик агенттигинен кабарлашты.

Маалыматка ылайык, федерация Эл аралык спорт арбитраждык соттун чечимине каршы ушул эле сотко апелляциялык арыз даярдап жатат. Жакын арада агенттик жана Олимпиада комитети тарабынан комиссия түзүлүп, иликтөө жүргүзүлмөкчү.

Тыюу салынган каражатты колдонгонун спортчуга 12-августта билдиришкен. Мындан улам КРнын делегациясынын башчылары Эл аралык допингге каршы күрөшүү агенттигинин эрежесине таянып, "В" текшерүүсүн жүргүзүү суранычы менен кайрылышкан. "В" текшерүү качан гана "А" текшерүүдө допинг табылган учурда жүргүзүлөт.

"13-августта биздин көз алдыбызда спортчунун заарасы "В" текшерүүдөн өттү. 15-августта тиешелүү текшерүүлөрдүн жыйынтыгы Эл аралык Олимпиада комитети тарабынан арбитраждык сотко жөнөтүлдү. 18-августта Бразилиянын сааты боюнча 13:00дө сот чечими чыгып, спортчунун медалы алынганы тууралуу кабар алдык", - дейт агенттиктин директору.

Буга катар агенттиктин расмий билдирүүсүндө төмөнкүлөр жазылган: "Спорт агенттиги Улуттук Олимпиада комитети менен бергеликте допинг колдонуулардын алдын алуу боюнча иштерди жүргүзүп келет. Агенттиктин демилгеси менен 2010-жылы Убактылуу өкмөттүн декрети менен Кыргыз Республикасы 2010-жылы Эл аралык допинг менен күрөшүү конвенциясына кошулган. Буга катар агенттиктин "Допингге каршы күрөшүү жөнүндөгү" буйругу кабыл алынган. Анын негизинде түрдүү заттарды кабыл алып, адилетсиз жеңишке жетишүүгө тыюу салынган. Агенттиктин тиешелүү түзүмдөрү Эл аралык допингге каршы күрөшүү агенттигинин нормалары боюнча машыктыруучуларга маалымдап, аларды окутуп турат. Агенттиктин бул буйругунун негизинде, допинг колдонулган учурда жоопкерчиликти спортчу, жеке машыктыруучу, башкы машыктыруучу жана дарыгер алат".

Автор: Максат Кудайбердиев

11:08 19-08-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1029 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1105 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1319 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1302 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 702 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2494 0

Архив

Комментарийлер (8)

Gema

2016-08-19 11:13:01

Геосаясийдик кырдаалдын курмандыгы болду деп ойлойм.

Tansuluu09

2016-08-19 11:24:34

Анализдери тура чыгып бир позор болсо экен ошол француздар

Shat.88

2016-08-19 11:30:25

Tansuluu09,ошондой болсо жакшы эми бул комитеттин каалаганындай болуп калбаса экен орус спортчуларын каалагандай электен откорушту го, арты жакшы менен бутсо экен

abdujafar

2016-08-19 11:53:59

Эмне болсо да убакыт коргозот.

jigit.paren

2016-08-19 11:55:52

Кудайым колдоп жалган болуп медалыбыз калып калса экен өзүбүздө. Өкмөт акча бербесе бербей эле коюшсун бир тыйынын да кереги жок болуп турат. Бизге медал болсу болду.

Tansuluu09

2016-08-19 12:07:13

Дуйнолук чемпионат болгондон кийин он жолудагы анализ тапшыртырып анан медаль бербейби алып буткондон кийин кайра алып албай

maks13

2016-08-19 14:25:16

Жакшы кылышыптыр Изат озу айтыго мен допинг колдонгон жокмун деп.Изат калпчы болбосо медал кайтарылат

Nendi15

2016-08-20 23:18:16

Урматтуу олимпиада комитенинин мүчөлөрү аракет кылып коргогулачы жалгыз медальды.

Комментарий калтыруу үчүн өз ысымыңыз менен кириңиз же каттоодон өтүңүз.