Болот Шамшиевдин 75 жылдыгына карата анын тасмалары өлкөнүн бардык аймактарында бекер көрсөтүлөт

Режиссёрдун жаш кези

Кыргыздын белгилүү режиссёру Болот Шамшиев

22-августтан 29-августка чейин өлкөнүн бардык аймактарында кыргыздын белгилүү режиссёру Болот Шамшиевдин ретроспективдүү тасмаларын көрсөтүү орун алат. Бул иш-чара режиссёрдун 75 жылдыгы жана эгемендүүлүктүн 25 жылдыгынын урматына уюштурулууда. Бул тууралуу SUPER.KG`ге Кинематография департаментинен билдиришти.

Ал эми 29-августта Бишкекте режиссёрдун 75 жылдыгына карата салтанаттуу иш-чара өткөрүлөт. Иш-чарага Казакстан, Орусия, Өзбекстан жана башка өлкөлөрдөн аттуу-баштуу инсандардын келери күтүлүүдө.

Көрсөтүүнүн программасына ылайык, анда төмөндөгү тасмалар көрсөтүлөт:

1. "Караш-Караш окуясы" (1968-жылы тартылган тасма)

2. "Ысык-Көлдүн кызгалдактары" (1971)

3. "Ак кеме" (1975)

4. "Эрте келген турналар" (1979)

5. "Бөрү зындан" (1983)

Кыргыз ССРинин Эл артисти (1975), СССРдин Эл артисти (1991) Болот Шамшиев 1941-жылы 12-январда Бишкек шаарында (мурдагы Фрунзе) туулган. Болот Шамшиевдин атасы Төлөн Шамшиев кыргызга белгилүү акын болгон. Ал 1965-жылы ВГИКти (Орусия мамлекеттик кинематография институту) бүткөн. Алгач "Манасчы" (1965), "Чабан" (1966) сыяктуу даректүү фильмдерди тартып, андан кийин айтылуу М.Ауэзовдун чыгармасы боюнча өзүнүн "Караш-Караш окуясы" аталган алгачкы көркөм фильмин (1968) жаратат. Режиссёр замандаш адамдардын ой-санаасын, мүдөөсүн чагылдырган көйгөйлүү темаларга кайрылып, аларды кинодогу кейипкерлердин ички сезими аркылуу кылдат ачууга, драмалуу терең чиеленишти лирикалык маанайда берүүгө умтулган. Ч.Айтматовдун повести боюнча тарткан социалдык-этикалык жана философиялык маанидеги "Ак кеме" фильми (1975, СССРдин Мамлекеттик сыйлыгы, 1977) Бишкек шаарында өткөн Бүткүл союздук 9-кинофестивалда (1976) баш байгеге, Италияда (Торонто ш.) баш байге сыйлыгына, Чехословакияда (Карлови-Вари ш.) атайын байгеге татыктуу болгон.

Автор: Турсунай Алымкулова
Фото: Интернеттен алынган

11:55 23-08-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1029 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1105 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1319 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1302 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 702 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2494 0

Архив

Комментарийлер (1)

BarsBaatyr

2016-08-23 12:09:57

Кыргыздын атактуу фильмдерин коллекция кылып дисктерге чыгарып Кыргызстандын баардык аймактарына сатууга чыгарса жакшы болмок.Чыгарса дагы аз коломдо чыгарышат,анысы дагы Бишкектен сыртка чыкпайт.

Комментарий калтыруу үчүн өз ысымыңыз менен кириңиз же каттоодон өтүңүз.