Борбордогу соода борборлорунун биринен кымбат баалуу уюлдук телефондорду уурдоого шектелген жаран кармалды

Борбордогу соода борборлорунун биринен кымбат баалуу уюлдук телефондорду уурдоого шектелген жаран кармалды. Бул тууралуу бүгүн, 23-августта Бишкек ШИИББинин басма сөз кызматынан билдиришти.

Маалыматка ылайык, милицияга арыз менен 21 жаштагы А.Т. кайрылган. Ал 21-августтан 22-августка караган түнү соода борборлорунун биринен белгисиз адамдар 3 даана кымбат баалуу уюлдук телефонун уурдап кетишкенин билдирген. Жүргүзүлгөн рейддин алкагында кылмышка шектүү катары 25 жаштагы Ж. у. К. аттуу шаар тургуну кармалган. Учурда кылмышка шектүү ушул сыяктуу дагы бир нече уурулук фактысына шектелип, иликтөө иштери жүрүүдө.

Автор: Мальвина Уметбекова