"Дордойдун" футболчулары чечүүчү беттешти утуп, эл аралык мелдештин кийинки баскычына чыгышты (фоторепортаж)

"Дордой" футболдук клубу Азия футбол конфедерациясынын Кубогунун тандоо турунда өз тайпасында 1-орунду ээледи. Муну менен бишкектик команда мелдештин финалдык баскычына жолдомо алды.

Чечүүчү беттешти "дордойчулар" Макаонун "Бенфика" командасына каршы өткөрүштү. Атаандаштар эсепти ачышканы менен, жеңиш талаа ээлери тарапта болду.

Атаандаштардын курамынан Хосе Филипе айырмаланды. Көп өтпөй Давид Тетте эсепти теңеп, күйөрмандар менен катар оюнчуларга дем берди. Алгачкы тайм 1:1 эсебинде аяктады. Атаандаш тең чыгууну сактап калуу аракетин жакшы эле көрүп, убакыт чойгонго да аракет кылды. Бирок алардын үмүтүнө суу бүрккөн гол 78-мүнөттө киргизилди. Мирбек Акматалиев айып соккусун голго айлантып, командасын АФК Кубогу-2017 мелдешинин финалдык баскычына алып чыкты.

Автор: Максат Кудайбердиев
Фото: Максат Кудайбердиев