"Forbes" эң көп төлөнгөн актёрлордун тизмесин жарыялады

Дипика Падукон

Мила Кунис

Жулия Робертс

Эми Адамс

Шарлиз Терон

Фань Бинбин

Женнифер Энистон

Скарлетт Йоханссон

Мелисса Маккарти

Женнифер Лоуренс

Роберт-Дауни кичүүсү

Акшай Кумар

Шахрух Хан

Вин Дизель

Бен Аффлек

Жонни Депп

Том Круз

Мэтт Деймон

Жеки Чан

Дуэйн Жонсон

Голливуд актёру Дуэйн Жонсон буга чейин эң көп төлөнөт делген Роберт-Дауни кичүүсүн сүрүп чыгып, "Forbes" журналы боюнча "2016-жылы эң көп каражат тапкан актёр" деп табылды. Бул тууралуу журналдын расмий сайты жарыялады.

Маалыматка ылайык, Дуэйн Жонсон бул жылы 64,5 миллион доллар тапкан. Ал мындай акчаны "Форсаж 8", "Бир жарым тыңчы" ("Полтора шпиона") жана "Малибу куткаруучулары" ("Спасатели Малибу") тасмаларына тартылып тапкан.

2-орунда Жеки Чан 61 миллион доллар кирешеси менен турат. 3-орунду "Марс тургуну" ("Марсианин") жана экранга чыга элек "Улуу дубал" ("Великая стена") тасмасына тартылган Мэтт Дэймон 55 миллион гонорары менен ээледи. Ошондой эле эң көп каражат тапкан актёрлордун ондугуна Том Круз (53 миллион), Жонни Депп (48 миллион), Бен Аффлек (43 миллион), Вин Дизель (35 миллион), Шахрух Хан (33 миллион), Роберт Дауни кичүүсү (33 миллион) жана Акшай Кумар (31,5 миллион) кирген.

Ал эми айымдар арасында эң көп гонорар алган актриса деп 46 миллион доллары менен "Ачкачылык оюндары" ("Голодные игры") тасмасында башкы каармандын ролун жана "Белгисиз адамдар" ("Люди Икс") тасмасында ойногон Женнифер Лоуренс табылды. 2-орунду Мелисса Маккарти (33 миллион), 3-орунду Скарлетт Йоханссон (25 миллион) ээледи. Женнифер Энистон 21 миллион доллары менен 4-орунду, кытай актрисасы Фань Бинбин 17 миллион доллар менен 5-орунду ээлеген. Шарлиз Терон бул жылы 16,5 миллион доллар таап, 6-орунда. 7-орунда Эми Адамс, анын кирешеси 13,5 миллион долларды түздү. 8-орун 12 миллион тапкан Жулия Робертске буюрса, 9-орун 11 миллион гонорар алган Мила Кунисте. Индиялык актриса Дипика Падукон 10 миллион доллар таап, 10-орунду алган.

Женнифер Лоуренс алгачкы орундукта турганы менен, былтыркыга караганда бул жылы 6 миллион доллар аз тапкан. Ал эми Мелисса Маккарти, тескерисинче, 10 миллионго көп тапкан.

Автор: Үмүт Абдраимова
Фото: Интернеттен алынды

16:51 26-08-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1160 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1200 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1377 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1373 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 771 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2625 0

Архив

Комментарийлер (5)

leilekstan_1987

2016-08-26 17:19:03

Жылдык кирешеси 65.5 млн??? Ушулар мынча акчасын каяка коротот экен? Мага 65.млн бир омурго жетмек.

beka1207

2016-08-26 17:56:10

leilekstan_1987,
Сага бир өмүргө жетсе,мага 65 адамга бөлүп берсе да жетмек)))))

Ali-han

2016-08-26 18:01:29

Леонардо ди кабриону жазбайсынарбы супер инфо. Лео деле базар жок алат го

dervisha

2016-08-29 00:04:42

Ali-han,Бул тизмени супер инфо тузгон эмес.Жогоруда жазылып тургандай,Forbes журналынын жарыялаган топ рейтинги.Супер инфо болгону аны которуп жарыялаган.

saltanat.

2016-08-27 06:02:55

Скарлет сонун кыз да жагат мага.

Комментарий калтыруу үчүн өз ысымыңыз менен кириңиз же каттоодон өтүңүз.