Режиссёр Болот Шамшиевдин 75 жылдык мааракеси өттү (фото)

"Ак кеме" чыгармасынан сүрөттөр

Актёр Чоро Думанаев

Замандын эки залкары: Болот Шамшиев жана Чыңгыз Айтматов.

Залдын басымдуу бөлүгүн белгилүү чыгармачыл инсандар, коомдук ишмерлер ээлешти.

Кинотеатрдын кире беришинде режиссёрдун чыгармачылыгына байланыштуу сүрөттөр илинген.

Бүгүн, 29-августта борбор калаадагы кинотеатрлардын биринде кыргыздын чыгаан режиссёру Болот Шамшиевдин 75 жылдык мааракеси белгиленди. Иш-чарага экс-президент Роза Отунбаева, жазуучу Чыңгыз Айтматовдун карындашы Роза Айтматова, режиссёрлор Нуртай Борбиев, Геннадий Базаров, Сүйүн Откеев жана башка көптөгөн кыргыздын белгилүү чыгармачыл инсандары, коомдук ишмерлер катышты. Сахнага чыгып сөз сүйлөгөндөр алгач Москвада каза болгондорду эскеришип, орду толгус жоготуу болгонун, жамандык менен жакшылык жанаша жүрөрүн айтышып, эми мындан ары жакшылыктар болсун деген тилектерин билдиришти. Андан соң Болот Шамшиевге "ден соолукта болуп, чыгармачылык ийгиликтерди, дагы да кыргыз киносунда шедеврлерди жарата бериңиз" деген каалоолор айтылды. Ошондой эле сахнадан Казакстан өлкөсүнүн Кыргыз Республикасындагы элчисинин, казак жазуучусу Мухтар Шахановдун, Орусия кинематографисттер уюмунун атынан жана башка инсандардан келген куттуктоолор окулду. Режиссёрду мааракеси менен куттуктап, алыскы АКШдан да достору видеокуттуктоо жиберишкен.

Болот Шамшиевдин кызы Сүйүүтай Жеңиштин айтымында, бүгүнкү иш-чараны өткөрүү үчүн жарым жылдай даярданышкан.

"Атам 12-январда 75 жашка толгон, бирок биз атамдын кечесин бүгүнкү күнгө белгилегенбиз. Бүгүнкү аза күтүү күнүнө байланыштуу иш-чаранын салтанаттуу бөлүгүн кыскартып койдук.

Атам менен биринчи кезекте менин атам болгону үчүн сыймыктанам, андан соң режиссёр катары. Мен да, иним Чыңгыз да ата-энебиздин жолун жолдоп, чыгармачылыкты тандаган жокпуз. Себеби бул жол канчалык татаал болорун атам айткан. Тасма бүткөн соң баары сонун көрүнүшү мүмкүн, бирок элестетиңиз, анын артында канча деген эмгек, мээнет жатат. Атам менен апам жааган жамгыр, кар, ысык-суукка карабай тартылышчу. Мунун баарын көргөн соң чыгармачылыкты эмес, башка жолду тандап кеткем. Ал эми менин балдарым чыгармачылыкка жакын. Кичинекей болгонуна карабай улуусу Геннадий Базаровдун тасмасына, бири клипке тартылууга үлгүрдү", - деди С.Жеңиш.

Иш-чарадан соң Болот Шамшиевдин "Караш-Караш окуясы" тасмасы көрсөтүлдү.

Автор: Турсунай Алымкулова
Фото: Турсунай Алымкулова

18:20 29-08-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1160 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1200 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1377 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1373 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 771 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2625 0

Архив

Комментарийлер (4)

Frunze74

2016-08-29 18:35:08

Олко боюнча эл аза кутуп жатса той-маараке, юбилейлерге жол болсун!!! 2-3 кун кийинкиге жылдырып турса болмок да... Эл ишенген аттуу-баштуулар юбилейлеп журот, "ишенген кожом сен болсон" болуп... Башка олколордо да аза кунундо юбилейлер откоруло береби?!

-3

futboler

2016-08-30 01:06:15

Frunze74,туура айтасын, ушул кундору жон отурушса болмок, токтотуп

DNurgiza

2016-08-29 23:22:09

жакшы...биз да куттуктайбыз.... соонун кинолордон күтөбүз.

-3

Комментарий калтыруу үчүн өз ысымыңыз менен кириңиз же каттоодон өтүңүз.