Бишкекте “Кыргызтелеком” ишканасынын кароолчусун өлтүргөн” деп шектелген эки жаран кармалды

Бишкекте “Кыргызтелеком” ишканасынын кароолчусун өлтүргөн” деп шектелген эки жаран кармалды. Бул тууралуу бүгүн, 30-августта Бишкек шаардык ички иштер башкы башкармалыгынан билдиришти.

Маалыматка караганда, окуя 27-августтан 28-августка караган түнү Скрябин жана Элебаев көчөлөрүнүн кесилишиндеги “Кыргызтелеком” ишканасынын имаратында болгон. Анда ишкананын 52 жаштагы кароолчусу С.Б. менен Баткен облусунун 1965-жылы туулган А.А. жана Бишкек шаарынын 1965-жылы туулган Т.З. аттуу тургуну спирт ичимдигин ичип отурушуп уруша кетишкен. Анын кесепетинен 52 жаштагы кароолчу алган жараатынан улам ошол жерден каза тапкан.

“Бул кылмышка шектүү катары Скрябин көчөсүндөгү үйлөрдүн биринин алдынан 1965-жылы туулган А.А. жана Т.З. кармалган. Учурда бул факт боюнча кылмыш иши козголуп, тергөө амалдары жүрүп жатат”, - деп айтылат Бишкек ШИИББинин маалыматында.

Автор: Бекжан Рыскулов