Футбол боюнча өлкө чемпиондугунда бүгүн "Дордой" жана "Алга" клубдары "Алайдан" артта калбоо аракетин көрүшөт (анонс)

Бүгүн, 10-сентябрда футбол боюнча өлкө чемпиондугу - ТОП-Лиганын алкагында 2 беттеш орун алат. Чемпиондук үчүн ат салышып жаткан "Дордой" футболдук клубу беттешин Кара-Балтада, бишкектик "Алга" Жалал-Абад шаарында өткөрөт.

Бул эки оюнда тең коноктор жеңишти камсыздап, 3 упай алуу максатында майданга чыгышмакчы, себеби кечээ "Алайдын" футболчулары Бишкекте "Ала-Тоону" утуп, 3 упайга ээ болушту. Муну менен "алайлыктардын" упайы 32ни түзүп, негизги атаандашы "Дордой" 3 упай, "Алганы" 5 упай артта калтырды. Командалар бул айырмачылыкты кыскартуу аракетин кызуу көрүшмөкчү.

"Кара-Балта" (Кара-Балта) - "Дордой" (Бишкек)

Стадион: Кара-Балта шаары, "Манас" стадиону

Башталышы: 17:00

"Алдиер" (Куршаб) - "Алга" (Бишкек)

Стадион: Жалал-Абад шаары, "Курманбек" стадиону

Башталышы: 17:00

Мелдеш жадыбалы:

1. "Алай" (Ош) - 13 оюн, 32 упай

2. "Дордой" (Бишкек) - 12 оюн, 29 упай

3. "Алга" (Бишкек) - 12 оюн, 27 упай

4. "Абдыш-Ата" (Кант) - 12 оюн, 16 упай

5. "Алдиер" (Куршаб) - 12 оюн, 7 упай