Бишкекте 17-сентябрда Республикалык комуз фестивалы өтөт

Бишкекте 17-сентябрда Республикалык комуз фестивалы Энвер Гареев атындагы Ботаникалык бакта өтөт. Бул тууралуу бүгүн, 14-сентябрда Маданият, маалымат жана туризм министрлигинин басма сөз кызматы кабарлады.

"Кыргыз мырзалары" коомдук фонду, Маданият, маалымат жана туризм министрлиги менен биргеликте 2016-жылдын 17-сентябрында Улуттук академиянын Ботаникалык багында кыргыз элинин улуттук аспабы болгон комузга жалпы элдин жана өзгөчө жаштардын кызыгуусун арттыруу менен комуз үйрөнүүгө үгүттөө максатында Республикалык комуз фестивалын өткөрөт", - деп айтылат маалыматта.

Республикалык комуз фестивалын алгачкы жолу саамалык катары өткөрүп, жыл сайын уюштурууну салтка айландыруу аракети көрүлүүдө. Фестивалда комуздардын көргөзмөсүнөн комуз сатып алууга жана комуз үйрөнүүгө устаттар менен кеңири таанышууга ыңгайлуу шарттар түзүлөрү маалым болду.

Автор: Үмүт Абдраимова
Фото: Интернеттен алынды