Июль айында Ала-Арча капчыгайындагы сууга агып кеткен жарандын жансыз денеси табылды

Чүй облусундагы Ала-Арча капчыгайында 18-июлда сууга агып кеткен жарандын жансыз денеси табылды. Бул тууралуу бүгүн, 14-сентябрда Өзгөчө кырдаалдар министрлигинен билдиришти.

Маалыматка ылайык, Алай районунун 1981-жылы туулган А.Замирбек аттуу тургуну 18-июль күнү сууга агып кеткен. Буга чейин жүргүзүлгөн издөө иштери натыйжа бербей келген болчу.

"ӨКМнын Куткаруучуларды даярдоочу мамлекеттик борборунун куткаруучулары издөө иштерин жүргүзүп, бүгүн, 14-сентябрда саат 12:30да чөгүп кеткен адамдын сөөгүн суудан табышкан. Туугандары тарабынан анын өздүгү аныкталып, жансыз дене жакындарына өткөрүлүп берилди", - деп айтылат маалыматта.

Автор: Мальвина Уметбекова