Үңкүр-Тоодогу радиорелейлик станциянын имаратын 1960-жылы кыргыздар төө менен шагыл, таш ташып курушкан

Үңкүр-Тоодогу радиорелейлик станциянын имаратын 1960-жылы кыргыздар төө менен шагыл, таш ташып курушканын SUPER.KG порталына бүгүн, 14-сентябрда Мамай айылынын айыл башчысы Качкын Таштанов билдирди.

Үңкүр-Тоо жана анын айланасындагы кыргыздар пайдаланып келген жерлер тууралуу айылдын тарыхын жакшы билген, 20 жылдан ашуун убакыттан бери айыл башчы болуп иштеп келген Мамай жана Устукан айылдарынын айыл башчысы, 60 жаштагы Качкын Таштанов айтып берди.

"Үңкүр-Тоонун жанында жайгашкан Мамай айылында 1930-жылдары менин чоң аталарым жашаган. Атамдын айтканына караганда, чоң атам эл башы болуп иштеген экен. Алар тоонун айланасында мал багып, жашоо-тиричилигин өткөрүп келишкен. Кийин 1936-жылдары колхоздоштуруу башталганда Кыргыз ССРинде "Кызыл трактор", Өзбекстанда "Кызыл байрак" колхоздору түзүлгөн. Ошол учурда суулуу жерлер өзбектердин "Кызыл байрак" колхозуна, ал эми Үңкүр-Тоо жана анын айланасындагы кайрак жерлер "Кызыл трактор" колхозуна тийген", - деп билдирди Мамай айылынын айыл башчысы Таштанов.

Маалыматка ылайык, 1960-жылдар аралыгында кыргыздар Үңкүр-Тоодогу телестанциянын имаратын курушкан. Учурда Үңкүр-Тоонун башында 45 гектар жер талашка түшүүдө.

Мамай айылынын жашоочусу, 75 жаштагы Турсунбек Ажибаевдин айтымында, азыркы учурда Өзбекстандын жери болгон Параман айылындагы Капалик деген 100 гектар жерди да кыргыздар пайдаланып келишкен. Ал жерлерди өлкөбүз эгемендүүлүк алгандан кийин өзбектер алып коюшкан.

"Бала кезимде тоонун айланасында мал кайтарып жүрүп чоңойдум. 1950-1960-жылдар аралыгында өзбектер тоого отун алганы келишчү. Айылдын боз балдары аларды отун алганга келтирбей кубалачубуз. Демек, бул тоо Кыргыз Республикасына карайт. Аны талашууга өзбек элинин эч кандай акысы жок. Үңкүр-Тоо тээ ата-бабадан калган мурасыбыз", - деди Ажибаев.

Учурда Үңкүр-Тоонун күн батыш тарабында Мамай, Устукан айылдары жайгашкан. Анда 9-класстын базасында 1 мектеп жана айылдыктарга 1 фельдшердик-амбулатордук бөлүм кызмат көрсөтөт. Аталган айылда 100 кожолук эл жашайт. Мамай, Устукан айылдары 1000 гектарга жакын жерди ээлейт. Айылдын элине Кербен шаарынан үлүш жер берилген.

Автор: Акназар Сулайманкулов
Фото: Интернеттен алынды

17:47 14-09-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (16)

Grand

2016-09-14 18:47:23

Бул нерсени чоңдор билбейтта. Чоңдорго азыр бир эле нерсе керек, өз үй- бүлөсү, туугандары аман- эсен болушса, курсактары ток, кийимдери бүтүн болсо, акчалары болсо болду. Ал жер, калпиле эл үчүн эле мындай кылыш керек же тигиндей деп эле коюп атышат. Кыскасы, кудайга койдум КРдеги чоңдордун баарын.

Rifle_S

2016-09-14 19:16:45

Үңкүр тоону көргөндөр билет. Үстүнө чыга турган жол биз тарабында. Өзбектер тырмышып да чыгалбайт арт жагынан.
Кайра кайра түшүмө кирип жатат. 3-4 күн мурун штурмовать этип, өзүм кырып салдым. Кечээ да так ушундай түш көрдүм. Кыжырым келип кайнап жүрүп түшүм да ошондой болуп жатат окшойт .

Sirduusezim

2016-09-14 20:04:35

Rifle_S, айта корбо менинда тушумо кирди жаман коркунуштуу

adisum

2016-09-14 20:42:17

Rifle_S, азаматсын.

Sharos3

2016-09-15 09:08:40

Rifle_S,
Молодчик, озун эле жайлап салчы

mederkg

2016-09-14 19:41:54

Аттиң бизге деп мурас кылып таштап кеткен жерди сактай алышбаса не кереги бар биз дипломаттардын.

Kroxa

2016-09-14 20:57:07

Анан биздики брлсо озбектер неге талашып жатышат,,чондор сатып ийсе озбектер басып алмакда,станцияны алып ыргытып бир сырдуу талашып жатышат го???

Rifle_S

2016-09-15 10:22:55

Ал жерди рычаг катары колдонуп жатат. Орто токой суу сактагычын алгысы келип жатат бизден. Электр тармагынан да , газ жагынан да бизге бөгөт кое албай Үңкүр тоону талашып жатат.

talant87

2016-09-14 21:30:59

менин айлымда бир тирактирис ава бар эле ошолда тракторунда алып чыкан темр тезек(вышкасын) деп айтчы эле элдер ал ава кайтыш болгон эчак эле .мен эртен сурап суруштуромго дагын айылда.

Izdeim_seni.

2016-09-14 22:09:58

Тоо менен ташыдыбы,ат менен ташыдыбы биздин жер и точка. Деп койсок болбойт беле. Четинен кемирте бербей ар кимге

Rifle_S

2016-09-15 10:25:20

Депутаттар автобуска отурганына таарынып жүрөт . Алар акыя айтышып бүтө элек. Эс алганы аз келгенсип 1 млн сомдон ашуун коротуп жибериптир көчмөндөр оюнунда жүрүп. Элден наалаттар айтылып жатат.

dobrajelatel

2016-09-15 01:02:32

Эгер Унгар тоо озбек тарапка отсо Аксы эли жон жатпайт. Кезектеги нааразылыктын жаралышына себеп болот.

Batyrkhan

2016-09-15 09:06:34

Бул бийиктик стратегиялык маанилуу бийиктик экенин биздин ХХХ чондорубуз билбеген сыяктуу болуп, булгап койгон баладай отурушат. Ансыз деле канчалаган жерлерибиз коншу олколорго отуп кетип баратат. Ушинтип кайдыгер мамиле жасай берсе торт коншу олко торт жака мамлекетибизди болуп алат.

admin_portal

2016-09-15 09:29:00

Batyrkhan, кимдир-бирөөнү кемсинтүүдөн алыс болуңуз!

-3

bond0202

2016-09-15 09:17:01

ункур тоо кимге караштуу экенин эн жакшы билишет озбектер,оздоруно караштуу болгондо каалаганын кылышат болчу,азыр кантээр экен деп сынап жатышат

zz2013zz

2016-09-16 00:30:08

Озбектер биздики дейт,кыргыздар биздики дейбиз,талаштуу аймак деп бийликтен жооп болгон,сатылып кетиптир деп социялдык тармактардан окудум.Демек талаштуу аймак болсо кошуналар тик учак менен ээн эркин келип жайгашып алды ,эмне учун биздикилер жакын бара албайт,.Бийликте намыс калбаптыр ,жеринди коншуларын басып келе жатат,а силер болсо референдум откозуп,конституцияны озгортуп бийликти узурпациялаштын аракетиндесинер

Комментарий калтыруу үчүн өз ысымыңыз менен кириңиз же каттоодон өтүңүз.