"Манас" эпосун окуп, маанисин терең түшүнсө, азыркыдай чыр чыгарган саясатчылар болбойт эле" дейт жазуучу Бексултан Жакиев

Бүгүн, 21-сентябрда “Манас” эпосун комикс жанрында орус тилинде чыгаруунун үстүндө иш алып барышкандар маалымат жыйын өткөрүштү. Алардын айтымында, жаштар сүрөттөр аркылуу чыгарманын 90 пайызын эстеп калышса, окуган текстинин 20 пайызын эстеп калышат. Андыктан Кыргыз өлкөсүндөгү жана чет өлкөдөгү орус тилдүү окурмандарды кыргыз элинин улуу эпосу менен кенен тааныштыруу, жаштар арасында жайылтуу максатында китеп орус тилинде 2 миң нуска менен жарык көргөн.

Ал эми Кыргыз Республикасынын Эл жазуучусу Бексултан Жакиев: "Кыскартылган дегенде чыгарманын айрым бир эпизоддору алынып салынат. Ал эми кысылган дегенде эч бир эпизоддор кыскартылбайт, тескерисинче, узун тексттердин маани-маңызы калтырылып берилет. Алсак, "Манастагы" бир окуя 41 бетте баяндалат. Ал эми бул китепте ошол эле окуя 4 бетке түшүрүлгөн. "Манас" эпосун окуп, философиялык маанисин, идеологиясын терең түшүнсө, азыркыдай майдачыл адамдар, бири-бирин жоготуу аракетин көрүп жаткан, чыр чыгарган саясатчылар болбойт эле. Канчалык бири-бирин жек көрбөсүн, бирок өздөрүндөгү бийик духту түшүрүшмөк эмес, эч качан кыргыз элине зыян келтире турган иштерди жасашмак эмес", - дейт.

“Манас” темасы сүрөтчүлөр үчүн эң оор тема. Баары эле батынып бул чыгарма тууралуу тарта беришпейт. Буга чейин эле “Манас” эпосу тууралуу чыгарма жазып жүргөндүктөн, китептин сүрөттөрүн тартып калдым. Анда кыргыздын чыныгы жашоосу, тарыхы, маданияты, үрп-адаты чагылдырылат", - дейт сүрөтчү Замир Илипов.

Автор: Турсунай Алымкулова
Фото: Турсунай Алымкулова

16:32 21-09-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1160 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1200 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1377 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1373 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 771 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2625 0

Архив

Комментарийлер (4)

Mers124

2016-09-21 16:42:40

о кокуй ой, Акылдууларыбыз көбөйгөндөн эле көбөйүп келетат.

-7

din_tomas

2016-09-21 16:55:44

Mers124, Сиз Бексултан Жакиевдин созуно комментарий берип жатасызбы? Ушундай залкар адамга ээ???
Сиз ото акылдуусуз же тескерисинче))

Dadasdasd

2016-09-21 17:08:31

Китеп сатуунун айласы менен убара.

-8

Zanzibara

2016-09-21 18:46:13

Манасты окуганды коюп кыргызча сүйлөөгө аракет кылышып, жыйындарды, иш кагаздарды таза кыргызчага өткөрүп, кыргызча дем алып, кыргызча ойлонсок эле Манасты өздөрү таап окушмак. Бүгүн жалаң кыргыздар катышкан бир жыйын болду бырбырдан келген "чоң" тек орусча сүйлөп орусча өткөрдү. Анан кайдагы Манас анан кайдагы чыгарма окулат кокуй күн!!!!

Комментарий калтыруу үчүн өз ысымыңыз менен кириңиз же каттоодон өтүңүз.