"Коомчулукту дүрбөлөңгө салбай, "Үркүн" тасмасын көрсөтүүгө уруксат берели деп чечишти" дейт Мухтар Атаналиев

"Кыргыз Республикасынын мыйзамы боюнча, тасмада эки элди кагыштырууга чакырык, мыкаачылык көрсөтүлгөн, тагыраагы, кандуу эпизоддор жана эротика болбош керек. "Үркүн" тасмасында андай мыйзам бузуулар жок болгондуктан, көрсөтүүгө уруксат берилди", - деп билдирди SUPER.KG`ге аталган тасманын режиссёру Мухтар Атаналиев.

"Эртең, 27-сентябрда тасманын жабык көрсөтүүсү өтүп, өкмөттөн кишилер келип көрүшмөй болду. Биз массалык маалымат каражаттарына чыгып, тасманы көрсөтүүгө уруксат бербей жатышат деп айткандан кийин ойлонушса керек. "Бул деген тарых, коомчулукту дүрбөлөңгө салбай, көрсөтүүгө уруксат берели" деп чечишти. Анан да тасманы атайын комиссия көрүп чыгып, "тасманы көрсөтүү керек, келечек муун өткөн тарыхты билиши зарыл" деген чечим чыгарып берди", - дейт
М.Атаналиев.

"Экинчи дүйнөлүк согушта деле жалпы СССР өлкөсүнөн 60 миллиондон ашуун адам каза болгон. Согуш тууралуу миңдеген фильмдер тартылды. Муну менен орус-немис же башка элдердин мамилелерине доо кеткен жок да. Ал эми биз кыргыз-орус мамилесине доо кетет деп отура берсек, анда эгемен эмес өлкө болуп калабыз. "Ушул тасманы жөн эле койбойт белең" деп айткандар кошоматчы, маңкурт адамдардын белгиси", - деген оюн билдирди режиссёр.

Белгилей кетсек, буга чейин Мухтар Атаналиев: "Үркүн" тасмасын жаратууга мекениңдеги көйгөй сенин да көйгөйүң болуш керек деген ой түрткү болду. 100 жыл илгери ата-бабаларыбыз бейажал кырылып, ач-жылаңач белде, жолдо азап тарткан. Ошол тарыхый чындыкты тасма аркылуу чагылдырайын дедим, бирок тасма тартылып бүткөндөн кийин көрсөтүүгө тиешелүү тараптардан уруксат берилбей жатат. "Бул жерин алыш керек, жумшартыш зарыл. Орустар менен мамилебизди эми жакшыртып келатканда ушуну тартып эмне кереги бар эле?" деп кайра кишини күнөөлүү кылышат", - деп маектеринде билдирген эле.

Үркүнгө арналган тасманы элге көрсөтүүгө тыюу салынып жатабы?

Автор: Турсунай Алымкулова

14:00 26-09-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1160 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1200 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1377 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1373 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 771 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2625 0

Архив

Комментарийлер (8)

Urmat_83

2016-09-26 14:29:17

Андай кошоматчыларды ХХХ ХХХ ХХХ.Орусту мактап канча жыл журдук.Же орустар билбеди аларга чан жугузбай мактаган биздикилерди

admin_portal

2016-09-26 15:12:14

Urmat_83, провокациялык билдирүүлөргө тыюу салынат!

-1

keba300989

2016-09-26 14:54:06

Орустар, Кыргыздарды кыйнап тарткан кинолорун мактанып чыгарышат, биздикилер тарыхта болгон окуяны чыгарайын десе кошоматчылар бут тосуп атса, алардын өзүнө бут тосуш керек.

kazbekten

2016-09-26 15:03:41

Кыргыздар ушунчалык адамдык сапаттан кетип калганбы? Болуп откон тарыхты тастыктай албаса, "Ооба-бул элибиздин башынан откон тарых" деп айта албаса, кантип балдар учун жаркын келечекти куруп бере алышат.

Abdyrashit.Satylganov

2016-09-26 15:06:56

Үрүкүн тууралуу тасма тартылганы жакшы болуптур.тарыхты кийинки муундар билүүсү зарыл...Бирок мындай учурда кыргыздын рухун! Духун! көтөрүп Манас тууралуу да тасма тартсанар жакшы болмок.бир жеңден кол чыгарып...

tatynaaiym

2016-09-26 15:41:52

Жакшы кабар экен.Абдан суйундум.Тарыхый тасмаларды кобойтуш керек.Мен ар дайым колдойм!Тарыхы жок Эл болбойт,сыймыктана турган,сабак ала турган,кыргызды жок кылбай сактап келген баатыр Ата бабаларыбызды билишибиз,унутпашыбыз,данташыбыз,башка элдерге улгу кылып корсотушубуз керек!Алга кыргыз элим!Биз баарын женебиз буйруса!!!Мен Кыргыз Элин,Кыргыз мекеними суйоооом!!!

virtual.realist

2016-09-26 20:22:44

Тарыхы болбой эл болбойт, откон тарыхты чагылдырган тасмаларга бут тосуунун ордуна бюджеттен акча болдуруп беруу зарыл!

aminali

2016-09-27 16:03:33

Корсотот деп кутуп жатса,кеп башкада турбайбы.

Комментарий калтыруу үчүн өз ысымыңыз менен кириңиз же каттоодон өтүңүз.