Бишкек шаарынын Абдрахманов көчөсүндөгү жол кырсыгынан 3 адам жабыркады, алардын бири салык кызматкери

Бишкек шаарынын Абдрахманов көчөсүндөгү жол кырсыгынан 3 адам жабыркады. Бул тууралуу бүгүн, 3-октябрда Бишкек шаардык ички иштер башкы башкармалыгынын Патрулдук милиция башкармалыгы билдирди.

Маалыматка караганда, жол кырсыгы бүгүн эртең менен саат 08:20да болгон. Анда Абдрахманов көчөсү менен түндүктү көздөй келе жаткан Лексус GX 470 унаасы каршы тилкеге чыгып, түштүктү көздөй бара жаткан Тойота Камри унаасы менен сүзүшкөн.

“Жол кырсыгынын кесепетинен Тойота Камри унаасынын айдоочусу 1972-жылы туулган Жакынбек Байдавлетов, ичиндеги бир жүргүнчү жана Лексус GX 470 унаасынын айдоочусу 1982-жылы туулган Саид Мураталиев жабыркап, ооруканага жеткирилген. Саид Мураталиев мас болгон деген маалымат бар. Ал эми Жакынбек Байдавлетов Бишкек шаарынын Свердлов райондук салык кызматынын кызматкери болгон. Учурда тиешелүү экспертизалар дайындалып, Лексус GX 470 унаасынын айдоочусунун мас абалда болгону текшерилүүдө”, - деди Патрулдук милициянын басма сөз кызматкери Таалай Бугубаев.

Айта кетсек, бүгүн эртең менен Бишкектеги Абдрахманов көчөсүндө жол кырсыгы катталганын интернет колдонуучулары жазып чыгышкан.

Автор: Бекжан Рыскулов
Фото: Жумгалбек Өмүрканов

11:04 03-10-2016

Жазылуу

РУБРИКАДАГЫ СОҢКУ КАБАРЛАР

15:50 2025-06-25 | Кылмыштар, кырсыктар

Бишкекте сарайдан өрт чыкты (видео) 56 0

15:48 2025-06-25 | Түркүн дүйнө

Иран: Өзөктүк объекттерге чабуул келечекке чоң таасир этет 171 0

15:45 2025-06-25 | Кылмыштар, кырсыктар

Бишкекте мушташкан эки жигитке чара көрүлдү 122 0

15:16 2025-06-25 | Түркүн дүйнө

Иранды бомбалагыла... Трамп учактардын ыр менен коштолгон видеосун жарыялады (видео) 545 0

15:04 2025-06-25 | Коом жана турмуш

Адылбек Касымалиев Тяньцзинь шаарында кытай компанияларынын жетекчилери менен жолугушту 97 0

14:58 2025-06-25 | Саясат

Парламент төрагасы: "Кыргыз тилин жээрий берсек, жакынкы жылдары биз улут болбой калабыз" (видео) 223 0

Архив

Комментарийлер (2)

KaiMak

2016-10-03 11:08:27

бирин олуп бирин кал...Откондогу 1.7 млн сомго номер алган айдоочу кокус сузушуп кетсе тушуп эле номерди караса керекле,машина олуп кетсин мага номер керек деп)

-1

Seryi-Kardinal

2016-10-03 12:23:58

KaiMak,bawry ki4ine iwtetsen al nomeri jogolup ketse dele synyp kalsa dele kaira az ele ak4aga vostanovit etip alat

Комментарий калтыруу үчүн өз ысымыңыз менен кириңиз же каттоодон өтүңүз.