Ошто кызганычтан улам 24 жаштагы кызды бычактаган жаран 8 жылга эркинен ажыратылды

Ошто кызганычтан улам 24 жаштагы кызды бычактаган жаран 8 жылга эркинен ажыратылды. Бул тууралуу бүгүн, 12-октябрда Ош облустук сотунан билдиришти.

Маалыматка караганда, окуя үстүбүздөгү жылдын 19-апрель күнү саат 13:00 чамасында Ош шаарындагы А.Навои атындагы эс алуу багында болгон. Анда 1992-жылы туулган К.П. аттуу кыз С.К. аттуу жигити менен отурганда 29 жаштагы Ж.Саматов келип, кызга бир нече жолу бычак сайган. Натыйжада К.П. денесинен оор жаракат алып, ооруканага жеткирилген. Ал эми жанындагы жигит качып кетүүгө үлгүргөн. Кылмышка шектүү катары Ж.Саматов кармалып, кылмыш иши козголгон.

Аталган иш 5-август күнү Ош шаардык сотунда каралган. Отурумда жабырлануучу К.П. соттолуучунун үй-бүлөлүк абалын эске алуу менен тосмо арыз жазып бергенин айтып, мындан улам ага жеңил жаза берүүнү суранган. Ал эми Ж.Саматов мындай ишке кызганычтан улам барганын, учурда өкүнүп жатканын билдирген.

Соттук коллегия жабырлануучунун жазып берген тосмо арызын жеңилдетүүчү жагдай катары эске алып, Кылмыш-жаза кодексинин 28-97-беренесинин 1-бөлүгү боюнча күнөөлүү деп таап, Ж.Саматов 8 жылга эркинен ажыратылган. Ал эми жазасын күчөтүлгөн тартиптеги түзөтүү абагында өтөй турганы белгиленген. Бул чечимге макул болбогон айыпталуучу Ош облустук сотуна апелляциялык арыз менен кайрылган. Облустук сот ишти 5-октябрда карап, шаардык соттун чечимин өзгөртүүсүз калтырган.

Автор: Бекжан Рыскулов

10:21 12-10-2016

Жазылуу

РУБРИКАДАГЫ СОҢКУ КАБАРЛАР

13:59 2025-06-25 | Түркүн дүйнө

Украинанын президенти Зеленский НАТОнун саммитине костюм кийип келди (видео) 84 0

13:42 2025-06-25 | Коом жана турмуш

Сокулук-Жыламыш-МТФ жолуна асфальт басылды 86 0

13:35 2025-06-25 | Саясат

Нарын облусунун башчысы кызматынан бошотулуп, Токмокко мэр болду 355 0

13:26 2025-06-25 | Саясат

Жогорку Кеңеш ЖМК тууралуу мыйзам долбоорун кабыл алды 121 0

13:09 2025-06-25 | Түркүн дүйнө

Жер Ортолук деңизинен 16-кылымда чөгүп кеткен кеме табылды 466 0

12:57 2025-06-25 | Саясат

Жогорку Кеңеш порнографиялык сайттарды бөгөттөө боюнча мыйзам долбоорун жактырды 209 0

Архив

Комментарийлер (4)

chon.alai.

2016-10-12 11:13:02

сегиз жылга элеби.кытайда адам олтургон олум жазасын алатко а бизде жок дегенде 20 жыл бербейби.омур боюга кесилбесе да.бул кан ичкир 8эле жылдан кийин чыгып дагы бир байкушту шорлотот.

-3

tynara81

2016-10-12 14:39:43

chon.alai.,өлбөптүр да кыз. Өзү тосмо арыз жазып бериптир ошол кыз

Santanna

2016-10-12 11:47:31

Апрельдеги окуя Эми чыгып жатабы дейм...

-2

anar8672

2016-10-12 12:28:47

Эн туура кылат бул кыздын эрки ким менен сулошот ким менен алып койгон аялы болсо да мындай кылганы акысы жок эле

Комментарий калтыруу үчүн өз ысымыңыз менен кириңиз же каттоодон өтүңүз.