КВНдин "Ала-Тоо" аймактык лигасынын жарым финалдык беттешинде 5 команда финалга өттү

Борбор калаада кечээ, 23-октябрь күнү КВНдин "Ала-Тоо" аймактык лигасынын жарым финалдык беттеши, Бишкек шаардык мэриясынын Кубогу болуп өттү. Анда финалга чыгуу үчүн 8 команда ат салышып, 5 команда финалга өткөн. Бул тууралуу SUPER.KG порталына "Позитифф" командасынын оюнчусу Актан Рыскелдиев билдирди.

"Кечээ жарым финалдык беттеш болду. Анда 5 команда: "Элдин балдары", "Позитифф", "Brooklyn", казакстандык "Маб" жана Тажикстандан келген курама команда финалга өттү. Буюрса, эми кийинки оюнга даярданабыз", - дейт А.Рыскелдиев.

Финал ноябрь айында өтөрүн, азыр так күнү айтыла электигин жана жеңүүчү аталган командага Сочи шаарындагы фестивалга жолдомо ыйгарыларын кошумчалады. Ошондой эле "Азия MIX" командасы конок катары чакырылган.

Автор: Турсунай Алымкулова
Фото: Интернеттен алынган