“Кайыңды-темир жол” көзөмөл-өткөрүү жайында Өзбекстандын жараны башка адамдын паспорту менен кармалды

“Кайыңды-темир жол” көзөмөл-өткөрүү жайында Өзбекстандын жараны башка адамдын паспорту менен кармалды. Бул тууралуу бүгүн, 25-октябрда Мамлекеттик чек ара кызматынан билдиришти.

Маалыматка караганда, кечээ, 24-октябрь күнү Бишкек-Москва багыты боюнча №17-темир жол каттамы текшерүүгө алынып, анда 1986-жылы туулган С.А. аттуу Өзбекстандын жараны кармалган. Ал башка адамдын паспортун алып жүргөн. Айтымында, өзүнүкүн жоготуп алган.

Учурда тиешелүү материалдар топтолуп, кармалган жаран УКМКнын кызматкерлерине өткөрүлүп берилди.

Автор: Бекжан Рыскулов